Frost er úti

Nú er frost á fróni frýs í æðum blóð eða hvað....allavega ógeðslega kalt, frýs kannski ekki í æðunum en hvað veit maður svosem... Er að læra og gengur svona ljómandi ekki neitt og þá leitar maður á náðir bloggsins til að geta fengið útrás fyrir bullið í sér, ekki það að ég bulla mjög sjaldan bara eiginlega aldrei 

Ætla að hafa mig út í þennan mikla kulda á eftir og kíkja á hana Sollu vinkonu mína.....athuga hvernig familian hafi það en þar er RS vírusinn hinn skemmtilegi búinn að vera á sveimi og litla Agla verið á sjúkrahúsi í einhverja daga. Erfiðasta sem ég held að ég gæti lent í og það er að vera með nokkurra mánaða barnið mitt á sjúkrahúsi mikið veikt....mægad.

Fórum hjúin í fyrradag og fjárfestum í kommóðu handa Marteini og Eyþór var svo heillengi í gær að setja hana saman, og raða í hana fötum og dóti. Gaman að því, þannig að nú eigum við eftir að nálgast einhvern vagn en höfum nú ekkert reynt af neinu ráði. Kemur að því.

Dreymdi draum í fyrrinótt og hann var á þá leið að ég var að fæða og ég fæddi 3 drengi, einn var 4 merkur, einn var 10 merkur og einn 16 merkur, hvað merkir þetta, kannski geng ég með strák s.s. Martein, eða ég eignast 3.....það væri nú fyndið..........Fæðingin gekk hratt fyrir sig man ég....held þetta sé fyrir góðu bara, sá aldrei neitt blóð eða neitt...... Stundum er fólk skrýtið en ég er það eiginlega alltaf...

Farin að kvíða því að kallinn fari út, get ekki hugsað þá hugsun til enda að hann sé ekki viðstaddur, en þetta verður víst að gerast, og Hilla systir verður í startholunum og bjargar málunum ef hann verður ekki heima, já og svo að ógleymdri Brynju Dögg sem ætlar að taka þátt í partýinu, fyndið Hildur tók eiginlega á móti Brynju og klippti á naflastrenginn og svona og svo núna verða þær kannski saman í því að taka á móti þessu kríli...jahérna og allt það. Vildi ég sæi svona fram í tímann þannig að þetta væri bara pottþétt, fúlt ef að hann væri rétt farinn í loftið til Sweden þegar ég færi af stað, hringdi svo í hann rétt þegar hann væri lentur og segði honum að hann væri búinn að eignast þrjá drengi....haha væri svo búin að skíra og allt bara þegar hann kæmi heim og málið dautt.

Er að dunda mér að gramsast á netinu að leita mér að fartölvu, langar svakalega í svona litla pjöllufartölvu eins og Vala Matt var alltaf með í TV hægt að fá þær bleikar og hvítar, yrði ekkert smá beib með bleika fartölvu sitjandi með barnavagn niður á Bláu könnunni...jeddúda sé mig alveg í anda... sólgleraugu fyrir öllu andlitinu og agalegt beib....með bótox í öllum hrukkum og alveg eins og Hollostjarna....*fliss* jamm er geðveik en hver er það ekki

Langar að borða en hef ekki lyst, merkilegt ÉG HVALURINN hef ekki lyst, og málið er hvað, ég sem er búin að borða eins og ég sé með hundrað börn í vömbinni en svo núna bara nei takk ómöglega, ekki það að þetta mátti nú alveg taka enda, samt vantar mig töluvert upp á að þyngjast eins mikið og þegar ég gekk með Brynju en þá þyngdist ég um 25 kg var að vísu varla neitt neitt þegar ég varð ólétt.....lífið er unaðslegt, finnst þetta svo fínt.........þegár ég verð búin að eiga slettist þetta af mér eins og ekkert sé Alltsvo ef ég verð dugleg.....

Jæja ætla að fara að yla bílkvikindið áður en ég fer út, vil ekki frjósa, gæti farið að sleikja staura eins og Ragnhildur Sól litla frænka mín gerði um daginn, ákvað í leikskólanum að bragða á ljósastaur í 15 stiga frosti og hún festist haha ljótt að hlægja að þessu en held að allir þurfi að prófa þetta á vissum aldri, en litli harðjaxlinn reif sig lausa og skildi hálfa tunguna eftir eða smá hluta af henni allavegaBara snillingur

 

Sjúlli kveður á leið að sleikja ljósastaura

 

 

 

Nokkurn veginn á jörðinni

Jæja þá er maður búinn að pirra sig nóg á handbolta þetta árið, fyrst þeir töpuðu fyrir rússunum í dag þá fer maður að verða spakur....ætla samt að vona að þjóðverjar vinni titilinn

Er búin að vera að redda mér bókum hingað og þangað um landið til að nota í skólanum og var fyrir nokkrum mínútum að fá þá síðustu í hendurnar en hún er á ensku og er kennd í læknisfræðinni jájá haldið að maður sé nokkuð að ná sér í menntunen hún kostaði s.s. litlar 7000 krónur get að vísu notað hana líka á næstu önn...skal nú segja ykkur það. Verið löt við að læra í dag, veit ekki afhverju bara verið löt...

Skellti mér aðeins í bæinn eftir hádegið og fjárfesti í andadúnsæng handa Marteini og sængurverasetti handa dótturinni og svo brjóstagjafapúða handa mér..ofsalega dugleg Vantar núna enn vagninn og svo hlustunartæki....það er svona aðal...Hilla sys lánar okkur Graco bílstól og kerru undir stólinn agalega sniðugt þannig að engar áhyggjur af því. Svo á kellan rimlarúm síðan Brynja var lítil eða réttara sagt held ég að mamma eigi það þannig að þegar að vaggan verður of lítil kemur rúmið allt planerað. Hélt nú reyndar að ég ætti ungbarnasæng en þá var það næsta stærð á eftir sem ég á þannig að þá er það komið líka

Hef ekki séð eiginmanninn síðan kl 8 í morgun en hann er búinn að vera að vinna og svo núna er hann að æfa eitthvað með doktor Pétri og doktor Halla sem á að syngja í afmælinu hans Pétur á laugardagskvöldið í sjallanum.....jájá eins og manni sé nú ekki boðið þangað en ætla nú ekki að fara höndla ekki að sitja mjög lengi

Lilja Hrund kom hingað í dag, frekar þreytt en átti eftir að fara að vinna í nokkra klukkutíma, en hún er nú svo dugleg enda í ættinni

Brynja er að fara á Hrafnagil með fótboltanum á laugardaginn og ætla þær að gista eina nótt, alltaf jafn gaman hjá þeim. Hugsa að ég eyði helginni í að borða og læralíst svona ljómandi vel á það elska að borða kemst bara svo lítið fyrir í einu að mér finnst ég alltaf vera að borða. En hef nú ekki þyngst núna lengi allt farið að fara í stærðina á Marteini sem by the way er á miklu hraða inni í minni stóru vömb núna jahérna Algert rassgat.

Komu hérna tveir mjög myndarlegir menn í dag (ekki samt eins myndarlegir og eiginmaðurinn) í jakkfötum og kynntu sig sem Jósep og eitthvað annað sem ég náði ekki alveg þar sem hann talaði frekar bjagað. Rétti mér svo blað og spurði hvort hann mætti koma inn og kynna mér þetta, þegar ég sá helvítis blaðið var ég snögg að afþakka og skella hurðinni á trýnið á þessum annars myndarmönnum sem reyndust vera VOTTAR JEHOVA sem ég er ekki mikil vinkona. Frekjan í þessu liði, afhverju þurfa þeir að rölta í hús og kynna sína trú, myndi ég ekki kippast til ef séra Svavar eða séra Óskar kæmu og spyrðu hvort þeir mættu kynna mér eitthvað varðandi trúna, ég get svo svarið það....hottintottar og hananú og mér er alveg sama hvað hverjum finnst mér finnst þetta

Annars er bara allt í rólegheitum núna, ég þoli ekki að vera ekki að vinna og finnst allir dagar vera verulega mikið eins, vakna, borða, ryksuga lauslega, set í þvottavél, snyrti eitthvað til, læri, horfi aðeins á tv, læri, horfi út í loftið, bora í nefið, dotta, fer á wc reglulega á milli þessa alls, geng um íbúðina eins og ég sé með tunnu í klofinu, finn til í hverju skrefi, get varla togað upp um mig brókina á settinu, allt í mínus, ein vika og þá má marteinn koma mín vegna ja kannski tvær...hlakka til þegar þetta er búið, komast í föt, ekki tjöld, mikið búin að vera spá í að gerast hluthafi í seglagerðinni Ægi, á svo bágt, hlakka til þegar ég sé tærnar á mér aftur, hlakka til þegar ég get snúið mér í einni sveiflu en ekki í einum 4 hollum, ég er HLUNKUR og ætla ekki að vera það lengi enn.....

Sjúlli kveður og hlakkar mikið til..........

 

Danadj.....

Þetta var svakalegt, voðalegt og agalegt.................nú segi ég bara áfram Þýskaland og vona að Danir lendi á móti Þjóðverjum sem drulli yfir þá....

Málið er dautt.....over and out

Sjúlli kveður..........

Áfram Ísland

Er við það að fara á límingunum...jeddúda mía...verð grátandi hér í kvöld ef helv.......baunaspírurnar vinna okkur sem þeir AUÐVITAÐ gera EKKI eða hvað.  Búin að fá þvílíkar auglýsingar í maili í dag sem hljóða á þennan hátt "horfið á leikinn við dani í kvöld því herbalife styrkir þá, erum með merki á buxum 7 leikmanna" og VEI eins og ég myndi horfa eitthvað frekar á leikinn þó svo að helv......herbalife merkið sæist einhversstaðar........ég get svarið það hef nú horft á alla leikina og horfi á þennan til að sjá leikinn en ekki herbalife merkið jahérna.....ekki það að gott hjá þeim að styrkja landsliðið en almáttugur ...ekki þessa auglýsingamennsku komin með nóg af henni *ÆL*

En aftur að landsliðinu já það er ekkert meira um það að segja nema bara ÁFRAM ÍSLAND.....ætla að ná mér í mæru.......núna strax.......viss um að ég lendi í árekstri og missi af leiknum.....væri það ekki alveg týpískt....ójú

 

Sjúlli kveður Áfram herbalife já eða er það ekki það sem ég á að horfa á

Bara fyndið

Er að læra ég meina það er bara að prenta út og nota tímann í annað á meðan Kíkti aðeins á síðuna í blíðu og stríðu og hélt ég myndi bilast úr hlátri þar var kona að tjá sig um danina og hversu montnir þeir eru alltaf þegar kemur að handbolta, eins og öll blöð í danmörku loga núna af fréttum af því hvað landslið dana urðu fegnir þegar þeir heyrðu að þeir fengju Ísland á móti sér "lélegasta liðið" eins og það var orðað, þá segir konan....

"Danir syngja yfirleitt vi er röde, vi er hvide, vi staar sammen tid om tiden, en ef þeir tapa eins og að sjálfsögðu þeir verða að gera í kvöld og gera þá syngja þeir vi er röde, vi er hvide, vi er sammen ude at skide

Haha bara fyndið. Annars er ekkert títt sit hér enn á náttfötunum alveg á leið í sturtu og svo að lesa Sálfræði um streitu ekki veitir af, auk þess að mín bíða verkefni í Hjúkrun og Líffæra og lífeðlis og UTN...

FArin í rass varð bara að setja þetta inn fannst þetta alveg brilliant eins og Vala kjellan Matt myndi segja.

Sjúlli kveður syngjandi glaður

Handbolti, Júró og hvaðeina

Jæja enn ein vikan byrjuð, þetta er með ólíkindum hvað tíminn líður hratt, mætti samt alveg líða ögn hraðar allavega næstu 7 vikurnar, pjúff er alveg komin með nóg af því að vera kona í yfirstærð. Verð nú að segja að ef að þeim sem eru mikið yfir kjörþyngd líður eins og mér þá myndi ég sko löngu vera búin að gera eitthvað í málunum, ég meina ég get ekki reimað skóna mína....ekki snyrt á mér tærnar...fyrir utan allt annað...En þetta er nú samt ekkert illa meint

Helgin leið nokkuð stórslysalaust enda varla við öðru að búast þar sem fjölskyldan hélt sig mest innan dyra. Eyþór fór samt á föstudagskvöldið á árshátíð kirkjukórsins, var að spila þar og kom heim um 23:00. Laugardagurinn var án klæða alltsvo vorum öll á náttfötunum frá morgni til kvölds fyrir utan að Eyþór labbaði niður í Nettó að ná í mat handa okkur svo við gætum nú haldið áfram að vaxa og dafna í okkar letistellingum. Handboltinn maður minn pjúff mikið var ég fegin að Ísland vann Slóveníu á laugardaginn vá hvað það var erfitt að horfa maður minn....en sem betur fer þá unnu þeir með eins marks mun því þeir hefðu held ég aldrei haft Þjóðverjana í gær þó svo að þeir hefðu verið með sitt besta lið....

Hlakka til að sjá þá á móti Danmörku á morgun eiga fína möguleika í að vinna þá ef þeir eru í formi, meira og minna að verða krambúleraðir greyin, nokkuð margir komnir með meiðsl en svona er þetta...Þakka eiginlega fyrir að vera bara í fríi á þessum tíma svo ég missi ekki af neinu...hahaha

Júróvísion var líka á laugardagskvöldið og því miður þá komst pabbi Brynju og hans hljómsveit ekki áfram hefði verið heldur betur gaman fyrir hana að sjá þá fara áfram en þeir voru með alveg ágætis lag fannst okkur allavega Gengur bara betur næst........Fannst nú eiginlega að Friðrik hefði ekki átt að fara fannst það frekar svona leiðinlegt lag, en Eiríkur svínvirkaði og svo er Jónsi alltaf góður Brynja fór í Júrópartý til Þórsstelpna og pöntuðu þær sér pizzu og var alveg dúndrandi stemming

Ég var löt um helgina og nennti ekkert að læra og eins og sést þá er ég enn löt og nenni enn ekki að læra, hvernig fer þetta eiginlega. Annars er voðalega mikið bara upprifjun því það eru margar sem hafa ekki verið í skóla síðan 1700 og súrkál við erum held ég 14 í þessu fjarnámi og þar af er ég 4 yngst hinar eru fæddar '47 og ´52 megnið af þeim Gaman að því.....Voru tvær sem ætluðu í þetta nám sem voru að vinna með mér í heimahjúkrun en held þær hafi guggnað hef allavega ekki séð þær inni á námssíðunni, þarf að fara að hringja í þetta lið og kanna málið, hefði verið svo fínt að hafa þær og geta hist kannski eins og x 1 í mánuði og farið yfir þetta

Eyþór er í borg Davíðs á óteljandi fundum í dag blessaður, keyrði hann á völlinn kl 7 og kemur hann aftur í kvöld í kringum 20 leytið. Brjálað að gera, var nú samt í fríi alla helgina og held ég að hann hafi nú heldur betur haft gott af því.

Best að fara að læra eitthvað smá...

Sjúlli kveður letin uppmáluð

 

Organistablogg

Halló

Stofnaði nýtt blogg til að röfla um tónlist.  http://www.organisti.blog.is/

Ætla samt ekkert að hætta mínum tíðu skrifum hér

Eyþór

Rokrassgat

Já hér er sannkallað rokragggat í augnablikinu, hvín svoleiðis í öllu hérna að það er ekki einu sinni fyndð, hrökk oft upp í nótt við lætin í þessu blessaða roki og var að verða verulega pirruð sérstaklega þegar ég heyrði hvað minn heittelskaði hraut vært og greinilega böggaði hann ekkert þetta veður

Annars er allt fínt að frétta, strákarnir okkar eru alveg að missa sig í að vinna svona í handboltanum, hélt ég fengi hjartastopp hreinlega gegn Frökkum, gat varla horft á helv....leikinn bjóst alltaf við að nú færu þeir að tapa þessu niður eins og íslendingar gera svo oft í þessum blessaða handbolta en nei þeir unnu ekki það að ég hafði alveg tröllatrú á þessum elskum, skitu svo yfir túnfiskana í gær og var það heldur betur glæsilegt þurfa bara að vinna í raun einn af þessum þremur leikjum sem eftir eru og þá eru þeir komnir í að keppa um 1-8 sætið vííííí, ég er sko ÍSLENDINGUR:) Bíð spennt eftir leiknum við Pólverjana en hann er kl 17:30 í dag og ef drengirnir eru í stuði eins og á móti Frökkum þá sigrum við Pollana Þið getið skráð ykkur í stuðningsliðið www.ibliduogstridu.is

Sit annars hérna og drekk Tyrkneskt eplate sem er alveg hættulega gott og eiginlega ekkert líkt te hefur nefnilega alltaf fundist te frekar vont en þetta er sælgæti. Bogga naglakona keypti sér svona te úti í Tyrklandi og gaf mér smá og síðan fór ég í Te og kaffi og það fékkst það alger unaður Er að fara að undirbúa smá lærdóm en gat nú ekki setið á mér að tuða smá hérna.

Ágúst vinur vors og blóma kom í gær til að syngja með Hymnodiu og vill ekki betur til en svo að hann er veðurteppur núna blessaður kallinn, fór nú bara að leggja sig núna enda lítið annað að gera á að athuga flug aftur um 10 leytið Leiðinlegt að lenda í svona en maður stjórnar ekki veðrinu. Eyþór fór hálfsofandi niður í kirkju og ætlar að æfa sig í smá stund þessi elska svo duglegur, annars sagði hann mér þær fréttir áðan að hann væri í fríi um helgina og sagði strax "hvað eigum við að gera" ég sagði honum að nú slakaði hann bara á og hvíldi sig, svæfi og færi eiginlega í hýði Spurning hvort að það verði nú ekki ef ég þekki hann rétt.

Hjartapillurnar mínar eru ekkert að virka allavega ekki enn sem komið er en það getur svo sem komið að því fékk nokkrum sinnum hjartastuð í nótt er að verða smá gebbiluð á þessu

Júróvísion um næstu helgi og bíður Brynja verulega spennt þar sem pabbi hennar og hljómsveitin hans eru með eitt lag þar alltsvo hljómsveitin VON. Þannig að það er búið að blása til júrópartýs og ég veit ekki hvað og hvaðÉg er nú spenntari fyrir handboltanum en júró en auðvitað horfi ég ekki spurning.

Annars eiginlega bara ekkert að frétta....Ætla að fara að læra smá...

Sjúlli kveður með geðveikis glampa í glyrnum

 

Vitlaus heimasíða

http://ernuogeythorsbarn.barnaland.is/

 

Þetta er s.s. heimasíða Marteins litla:) Smá ruglingur í gær.

Ísland vann Frakkland ójá eins og maður hafi einhvern tímann efast...HA ekki aldeilis aldrei aldrei og aldrei.

Get ekki beðið eftir að sjá fyrsta leikinn þeirra í milliriðli en það er víst á móti Túnis....

Er að læra ætti ekki að vera að blogga....farin

Sjúlli kveður alveg hroðalega kærulaus

Brjálað að gera

Mikið að gera á öllum vígstöðum ójá. Eyþór kom heim kl 1:30 í nótt eftir að hafa verið um helgina í borg óttans að halda tónleika með Hymnodiu sem gengu bara vel að því að mér skilst, hef nú reyndar ekki hitt hann mikið Skólinn byrjaður hjá mér og segi nú bara úff yfir því, sýnist maður hafa alveg nóg að gera við að sinna því, 4 ritgerðir núna bara á notime, + allt hitt og svo er talvan mín hálfónýt sem flýtir ekki fyrir, hvernig var það með lottóvinninginn já og happdrætti háskólans hélt það hefði verið komin röðin að mér.

Brynja var á Húsavík á sunnudaginn að keppa á Íslandsmóti í fótbolta innanhúss og að sjálfsögðu unnu þær mótið nema hvað Fara svo í borg óttans helgina 18 feb held ég til að reyna að ná í Íslandsmeistaratitilinn...jájá ekkert að þessu.

Á meðan var móðirin heima að þykjast læra en gerði eiginlega allt annað en það. Tók mig til og bjó til heimasíðu á barnalandi handa Marteini http://ernuogeythorsbarn.barnaland.is/ ef fólk  hefur áhuga á að skoða síðuna þá bara endilega sendið póst til mín eða Eyþórs og við látum ykkur hafa leyniorð. Bara lítið komið enn sem komið er en það kemur til með  að bætast við þetta í rólegheitunum.

Var að koma frá Gunnari Þór hjartamanninum mínum og hann setti mig á hjartalyf til að reyna að hægja eitthvað á öllum þessum hamagangi. Mjög vægan skammt bara en vonandi nóg til að hægja á en vonandi bara ekki of mikið. Vaknaði þegar Eyþór kom heim í nótt annaðhvort við hann eða verki í bumbunni og ég var eiginlega alveg viss um að nú væri ég að fara af stað. Gekk um gólf í næstum tvo tíma með símanúmer kvennadeildar í hendinni og var við öllu búin þegar allt í einu voru engir verkir, svo ég hlunkaðist inn í rúm og sofnaði en vaknaði svo kl 7 í morgun með sömu helv...verkina og leist nú alls ekki á, en líklega en litli maðurinn að möndlast við að skorða sig eða eitthvað ja allavega er ég ekki búin að fæða og hef enga verki núna en hann sparkar alltaf upp og eru miklu minni læti.....kallinn er bara að koma sér fyrir...væri alveg sama á 36 viku þó svo að hann kæmi

Eyþór er svo hræddur um að verða úti þegar að öllu kemur, þannig að Hildur verður í startholunum, finnst nú samt ömurlegt ef hann yrði ekki heima en ætli það sé ekki líka mikilvægt að klára námið sitt allavega áður en hann fer á ellistyrk

Handboltinn byrjar kl 19 og ég fer eflaust á límingunum. Var alveg að tapa mér í gær, hvað voru mínir menn að gera eiginlega en þeir vinna bara í kvöld með hjálp guðs og góðra vætta, já ég er eiginlega farin að biðja til guðs um að þeir vinni er hrædd um að ég detti annars niður í þunglyndi hreinlega. Ef þeir tapa í kvöld eru þeir að keppa um 13-18 sæti og það vil ég ekki sjá. Varð svo stressuð í gær að ég fékk þrjú hraðsláttarköst yfir leiknum og það engin smá haha......en svona er líf handboltamannsins upp og niður eins og hjá öðrum

Vonum bara að við vinnum í kvöld...

Áfram Ísland

Sjúlli kveður við það að fara á límingunum en með hjartað í hægum takti