Strikið prikið út með rykið

Orðið að þaga er eitthvað sem ég veit held ég ekki hvað þýðir þar sem ég kann allavega ekki að þegjafinnst ofsalega gaman að tala og er alveg sátt við það sjálf en held að mörgum finnist ég tala og tjá mig meira en góðu hófu gegnir allavega kannski ef miðað er við karlinn minn sem er frekar orðvar og prúður maður

En allavega í dag er hann búinn að vera giftur mér í heilt ár og á hann alveg mikið hrós skilið því mér skilst að ég sé frekar erfið í sambúð enda erum við hjónin frekar ólík sem er alls ekki verra, myndi nú ekki halda að það væri eitthvað betra að við værum svo lík að við myndum kúka sama kúknum næstum því *glorr* Ef þið lásuð teiknamyndasögurnar um Gorm þá munið þið líka eftir þessu *glorr* fannst það frekar fyndið en nú er ég komin út fyrir efnið.

 

Ætla ekki að tjá mig meira um það.  

Fórum svo seinnipartinn hjúin niður í te og kaffi og ég fékk með Swiss mokka og súkkulaðiköku og Eyþor Coke light og dökkt súkkulaði er svo duglegur núna að passa sig í sykrinum á alveg hrós skilið fyrir það. Ég var með samviskubit og fór því og bræddi úr brettinu ok skal segja satt frá brettið bræddi úr mér jók mig og skokkaði 2.5 km núna og svo drap ég boxpúðann aðeins, hugsaði um hamborgarann og bara trylltist snilld.

Katla mín búin að vera yndisleg í dag ekkert mallavesen bara gleði hjá henni þessari elsku, búin að hjala og tralla og drekka þess á milli, ég endurtek EKKERT í maganum í dag Var svo slæm í gær greyið að það var ferlegt en í dag bara tóm gleði.....sofnaði kl 21 og steinsefur enn....best að fara að halla sér hjá henni svo maður nái að hrjóta smá áður en hún vill snabbann sinn...

Sjúlli Tyson kveður

Furðulegur texti...ja eiginlega bara ógeðslegur

Brá mér í ljós í morgun sem er alls ekki í frásögu færandi svo sem. Nema ég er rétt búin að bera á mig eðal krem sem á að gera mig brúna á no time og ligg svo í bekknum eða meira svona vell um bekkinn en allavega ég set upp heyrnartólin og bý mig undir að hlusta á einhverja eðaltónlist.......og jú fínt lag fyrst en svo kemur annað sem fékk eiginlega húðina á mér til að brenna ég þessi hálfbleika (feministi) og hálfgræna (vinstri græn) varð svört á no time og bara eiginlega vissi ekki hvorri rasskinninni ég átti að lyfta......textinn við lagið sem kom var " Raip me raip me my friend, raip me raip me again" Fyrirgefið en mér ofbauð alveg agalega. Svo næsta lag á eftir þessum hryllingi var hið fallegasta lag sem fjallaði um einhvern gaur sem var svo sár því hann þurfi að yfirgefa kærustuna. Ég er líklega orðin gömul en vá.....eru skilaboðin ekki þau að það sé æðislegt að láta nauðga sér......hmmmm hræðilegt.....

Ekki það að þegar við vorum á Landsbankamótinu á Króknum voru Brynja og co að hita upp við lag sem við Eyþór alveg bara settum upp svipinn "við erum gömul og skiljum ekkert" og þær voru heldur betur æstar við að hita upp við þetta lag enda þéttur og flottur taktur í því en svo spurði ég þær hvort þær vissu um hvað textinn fjallaði jú eitthvað "horny" var svarið og svo rokið af stað.....jaha andlitið datt af mér þarna....jeddúda mía...svo er ég að hlusta núna á Bonnie Tyler með lagið Turn around sem var mitt uppáhaldslag þegar ég var á þessum aldri.....og Scorpions með lagið Still loving you sem var líka mitt uppáhalds.....Vor æska...

Við hjónin þessi gömlu eigum 1 árs brúðkaupsafmæli í dag. Ótrúlegt að það sé ár síðan við gengum inn kirkjugólfið og ég næstum liðin út af og ég veit ekki hvað og hvað.....ætlum að fara út að borða á Strikinu í tilefni dagsins með Kötlu og Rakel því Brynja er í Reykjavík að hita upp við eitthvað horny lag.......

Sjúlli kveður brúnn á báðum kinnum og eldgamall 

 

Þeir ljótu...

Mæli alveg eindregið með hljómsveitinni Ljótu hálfvitunum sem er að mestu leyti skipuð drengjum frá gömlu góðu Húsavík. Heimasíðan þeirra er www.ljotuhalfvitarnir.is hægt að hlusta þar á tvö lög af líklega plötunni þeirra sem by the way ég ætla að kaupa mér........snillingar

Fallegt veður í dag, heitt og gott svo heitt að malbikið var farið að bráðna eða eitthvað í þá áttina. Brynja farin í borgina að keppa á Íslandsmótinu spennandi en þeim hefur samt ekki gengið eins vel og í fyrra því miður en þær eru samt magnaðar.

Ekkert meira að segja en endilega kíkið á hálfvitana bara snillingar

Sjúlli kveður óttalegur hálfviti sjálfur

Bjargvætturinn........

Eyþór verður útnefndur hetja dagsins. Hann var að eltast við Tjald sem var með eitthvað fast um fæturnar greyið og flaug hér fram og tilbaka. Hann virðist búa hérna á túninu fyrir ofan húsið...já litla náttúrubarnið hann Eyþór Hann náði honum að vísu ekki:)

Hrikalegt hvernig fólk getur komið fram við dýr eins og með hundinn Lúkas. Hræðilegt ég fékk tár í augun þegar ég horfði á viðtalið við greyið stelpuna. Ég veit ekki hvað á að gera við þetta helvítis pakk sem gerir svona, allavega ljóst að það er engan veginn heilt á geðsmunum eða ég get ekki ímyndað mér það......ógeðs fólk...

Búin að vera að dunda mér við að naga af mér gervineglurnar í kvöld voru orðnar verulega langar og allt of langt þangað til ég fer í viðgerð á þeim þannig að ég át þær, þarf ekki meira í dag.

Katla sofnuð, búin að vera hrikalega fyndin í kvöld sem ætti ekki að koma neinum á óvart þar sem mamman heitir Erna Hauksdóttir hahah......Brynja er með 2 strákavini í heimsókn og ég verð að segja eins og er að það er eins og það séu 10 stelpur þarna inni svo mikið tala þessir tveir vinir .....svo er sagt að stelpur blaðri, Rakel er úti með 2 stelpuvinum var niðrí kirkju hjá sr. Jónu Lísu að fara aðeins yfir ferminguna. 

Allt að verða klárt fyrir ferminguna, það verður kaffi í þessari, Rakel vill það frekar en mat ég er fegin gaman að prófa bæði. Kaupum það af Bautanum, fengum boðskortin í dag og verið að dunda við að skrifa á þau, verða að fara út á morgun, jájá. Eftir að redda kerti og servettum fer í það á morgun eða næsta. Rakel fer í klippingu og strípur á morgun þannig að þá er það frá og þá bara greiðsla á fermingardaginn, Íris hárkonan okkar ætlar að gera prufugreiðslu á morgun líka. Brynja er að fara til Reykjavíkur um helgina að keppa, 3 helgin sem hún verður að heiman vegna fótbolta jahérna alltaf gaman að því. 

Hymnodia ætlar að vera með garden party hjá Höllu og Andra á laugardaginn, um miðjan dag held ég bara grill og læti alltaf gott að borða.

Vorum rosalega dugleg hjónin í dag og fórum og löbbuðum með Rollsinn 4 km rúma meira að segja held ég, ég fór svo í þjálfun og svo á hlaupabrettið og tók 2.3 km þar er ég dugleg.....ALLIR að gera BYLGJU fyrir mér Finnst ég svo æðisleg þegar ég er svona dugleg fæ stundum svona rosalega löngun að hreyfa mig og þá bara um að gera að gera það, fór líka í ljós í morgun og er brún og sæt og með bumbu ennþá, elska á mér bumbuna en vil hana samt burt en það tekur tíma. Eins og er alltaf sagt "góðir hlutir gerast hægt"

Best að fara að horfa á TV lítið annað að gera í bili

Sjúlli kveður naglalaus 

  

 

Glóðaraugu á báðum

Hvað getur maður sagt. Ég fór að skokka áðan á mínu eðalbretti og skal segja ykkur að það liggur við að ég sé marin í andliti, þannig er að þegar maður er með kríli á brjósti þá ja eins og gefur að skilja stækkar þetta og þegar ég hljóp áðan steingleymdi ég að fara í íþróttatoppinn minn var bara í BRA þannig að þetta var eins og bláber í teygjustökki hentust aftur á bak og áfram en ég hljóp samt eins og óð væri heila 2 km best að byrja ekki of skarpt....

Fór í þjálfun í dag og tók gríðarlega á því innan um gamalmennin, er nú ekki virkari í ræktinni en svo að ég kann ekki að stilla tækin og þurfti ég að fá aðstoð frá einum níræðum sem hamaðist í tækjunum eins og hann væri tvítugur....en hann stillti þetta fyrir mig. Ég réðist svo á tækin af mikilli ákefð og hefur víst slíkt og annað eins ekki sést lengi í Eflingu en ég fékk svo nudd á eftir og hnykkingu sem var EKKI gott brakaði og brast í mér allri og er ég með heavy hausverk núna...já það sem maður þarf að ganga í gegnum.

Löbbuðum svo hjúin með Kötlu niður í Nettó því kallinn var að baka þessi líka eðal hrökkbrauð en vantaði eitthvað í það sem ég svo sem skipti mér ekkert af hvað var. Kom aðeins við í heilsuhúsinu og keypti lífrænt ræktað súkkulaði mér finnst þetta alltaf jafn fyndið en það er svo gott.

Brynja kom heim frá Króknum áðan en pabbi hennar skutlaði henni hún var verulega sæl, þær unnu mótið hennar lið og reyndar urðu þórsarar mjög sigursælir á mótinu almennt en allavega í hennar flokki tóku þær 1 og 2 sæti hipp hipp húrra.....

Rakel er komin með frjókornaofnæmi ekkert alvarlegt samt tekur bara eina töflu áður en hún fer að vinna og það dugar. Hún fór núna að fá sér ís með vinkonu sinni í Brynju....sá ís er víst bestur.

Katla steinsefur eins og engill besta barn í heimi.....finnst okkur allavega hún er æði.

Eyþór er magnaður bakari og bakaði hrökkbrauð með rúg sem ég má ekki borða því ég fæ í magann haahahah gott á mig.

Kunningi Eyþórs kom áðan skemmtilegur náungi, tenór söngvari og ofsalega blíður maður. Er að fara að flytja hingað á Akureyri eftir ár, hann er búinn að búa úti um allan heim, Ameríku, Hollandi, Danmörku, Noregi og fleiri stöðum.....Skemmtilegur maður

Sjúlli kveður með glóðaraugu á báðum

já ekki slakt..........

Your Celebrity Style Twin is Jessica Simpson

Flirty, feminine, and fun.

Who's Your Celebrity Style Sister?

Það er laugardagskvöld og mig langar á ball.....niiiiii

Já kallgreyið heldur betur þreyttur huggulegt laugardagskvöld, kallinn hrýtur og kellingin úðar í sig Buffalo og Pepsi já er ekki lífið yndislegt Hann má hvíla sig þessi elska. Fórum eldsnemma í morgun á Krókinn þar sem Brynja var að keppa í fótbolta. Unnu þrjá af fjórum leikjum dagsins góður árangur það verður gaman að sjá hvernig þetta endar. 

Kötlu finnst leiðinlegt í bíl, skil hana svo sem er eins og lítil klessa í þessum bílstól afhverju er ekki hægt að hanna bílstóla fyrir þessi grey sem allavega líta út fyrir að vera þægilegir þessir líta bæði út fyrir að vera óþægilegir og eru það held ég. En við horfðum á einn leik og fórum svo heim, gaman samt, hittum Sigurpál og fjölskyldu en Brynja ætlar að vera eftir hjá þeim á morgun og koma á mánudag eða þriðjudag. Gaman að því.

Fórum svo í grill til Óskars og Unu kl 18 fengum gamaldags læri læri tækifæri og með því. Yndislegt. Mér líður eins og hræsnara vorum að ræða heilbrigði og hollustu og hvað það væri gott að fá EINN súkkulaðibita eftir matinn sem við fengum auðvitað hjá þeim og það lífrænan En þegar ég var komin út í bíl og lögð af stað hellist yfir mig súkkulaði löngun og ég tek hraða U beygju og keyri á yfirsnúningu upp í strax og kaupi mér böns af nammi og ég er búin með það og mér er illt í maganum og samt át ég Buffalo þó ég væri að drepast í maganum. Ætli sé til svona súkkulaði afvötnunarspítali.....ef ekki væri ekki svo vitlaust að setja einn í gang helst strax því annars verð ég STÓR.. STÆRRI.. STÆRST já engin sjálfsstjórn á þessu heimili. Ég heiti Erna og ég er súkkulaðiisti........

Enn snýst allt íhringi í hausnum á mér ef ég hreyfi mig of hratt þarf að hreyfa mig eins og skjaldbaka ef ég á ekki að hrynja því sem næst um koll. Ég þessi ofvirki kjúklingur þarf að stríða við mörg vandamál núna, hreyfa mig hægt, borðar of mikið nammi já aldrei má maður ekki neitt.....

Ætla að fara að vekja kallinn og bera hann inní rúm ekki óvön því haha spurning að ég fari að horfa á The Notebook sælla minninga frá því að hann bað mín.....ég keypti hana um daginn og hún er rosalega falleg og skilur mikið eftir sig sú mynd fjallar um Alzheimersjúkdóminn .... ætla að horfa á hana fljótlega

Farin að leysa mig úr læðingi og henda mér í bælið áður en ég þarf að breytast í kú......

Sjúlli kveður þreyttur svvvvoooo þreyttur......

Málóð betra en mállaus :)

Já ég bara hef svona margt að segja get lítið að því gert. Fór til sjúkraþjálfara í morgun það var sko ekki gott, og ég þurfti að vera á júlluhaldaranum og ég þoli ekki að vera að viðra á mér ístruna þessa dagana, reyni að hylja hana eins og ég get en neyðist til að viðra hana þessa daga sem ég fer til sjúkraþjálfara sem er ALLA daga í einhvern tíma haha...

Hún nuddaði mig það var gott, hún teygði mig það var vont og ég á að koma aftur í fyrramálið. 

Fórum á Húsavík í morgun, komum akkúrat í hádegismat hjá pabba og hann var búinn að steikja kjötbollur í brúnni sósu *slurp* fengum nokkur blóm úr garðinum til að setja í okkar og ætluðum að kíkja á Mása en hann var ekki heima þannig að við brunuðum heim og vorum komin heim um kvöldmatarleytið enda eins gott því hér biðu mjög svangir unglingar:) Katla hjalaði og skríkti framan í afa sinn sem glennti sig allan í framan og sló alveg í gegn hjá prinsessunni.

Djö sem þessi gangbrautarmenning hér á Akureyri fer í taugarnar á mér hef reyndar rausað um það áður en ætla að gera það aftur. Maður kemst varla yfir gangbraut nema eftir að hafa beðið í einhverjar mínútur (ýkt) langan tíma samt hvort sem maður er labbandi eða á hjóli. Afhverju gerir löggan ekkert í þessu hefur auðvitað nóg annað að gera en þetta er samt verðugt verkefni sem ég skyldi taka að mér ef ég fengi að vera í löggubúning

Fallegt veður úti, logn, Eyþór og ÓSkar stórsöngvari voru að æfa inni í eldhúsi og ég hreinlega míg á mig í hvert skipti sem þeir byrja, Eyþór hummar og Óskar syngur hástöfum og næst ætla ég sko að syngja með þeim...koma trallandi inn og syngja allir krakkarnei myndi nú aldrei vilja viðra minn söng fyrir atvinnusöngvara því ég var REKIN úr kór í framhaldsskóla og mér finnst það fyndið. Núna syng ég samt hástöfum fyrir Kötlu hinar ýmsustu barnagælur og svo skil ég ekkert afhverju barnið er órólegt *hóst* jaha .....löng í mér leiðslan. 

Afhverju fær maður stundum svona löngun til að tuða og tuða hægri vinstri, er það af því að ég fæ ekki að tala nóg heima hjá mér, eða er það vegna þess að ég er með vírus í talfærunum, eða er það vegna þess að ég held að allt sem ég segi sé mjög viturt....ég veit ekki en allavega ég fæ stundum svona ofvirkni í raddböndin eða réttara sagt puttana....merkilegt.

Ætla að fara að velta þessu fyrir mér og íhuga málið því þetta er mjög merkilegt og ég efast ekki um að ég kemst að mjög vísindalegri niðurstöðu

Sjúlli kveður ruglaðri en áður

Snúningur.......

Er ekki kominn tími til að blogga það hefði maður nú haldið. Búin að detta inn á svo margar bloggsíður hjá fólki sem ég þekki eða kannast við að það er ótrúlegt, vissi ekki að svona margir sem ég þekkti væru með blogg en svona er þetta Bíð enn eftir því að sjá blogg frá Óskari Hafsteini held að hann ætti að íhuga að gerast bloggari.....koma svo Óskar þetta er mönun eins og unglingarnir segja

Þeir sem horfðu á fréttirnar í kvöld sáu þá líklega fréttina um hommabombuna sem herinn ætlaði að búa til haha ég get svarið það, ætluðu að gera liðið að hommum og svo yrðu allir svo sjúkir í kynlíf og yrðu bara í brjáluðu stuði og nenntu ekki að berjast. Ég skal nú segja ykkur það hahaha hvað er að gerast í heiminum. Heldur fólk virkilega að það sé hægt að BÚA TIL homma og svo að AFHOMMA fólk. Stundum vildi ég vera galdrakerling á priki því þá myndi ég sko fara og lemja þetta lið með prikinu mínu og troða því upp í görnina á þeim og hana nú....hvað er að ske.....

Sitjum hér gamla settið og borðum ost, kallinn drekkur hvítvín og ég kjellan þjórar Pesí max og horfum á mynd nema ég er reyndar eiginlega ekkert að horfa meira svona að blogga *Mætti nú samt halda að ég væri búin með eins og einn kassa af hvítvíni ef ég sný hausnum fer allt á fulla ferð og snýst í hringi ef ég stend upp þá gerist það sama þetta er nottlega ekki fyndið en svona er þetta. Fór í búð áðan og var smá reikul í spori, þurfti að beygja mig niður því ég þurfti auðvitað að henda hlut í gólfið og það munaði engu að ég endaði sleikjandi gólfið því ég seig niður bara, gömul kona hafði nú áhyggjur af mér og spurði mig hvort ekki væri allt í lagi með mig....skal nú segja ykkur það, svo hefur hún farið heim og býsnast við manninn sinn yfir því að fólk sé drekkandi á miðjum degi......hafi hitt konu sem gat ekki staðið á fótunum hahahah......jamm jamm mér er bara nær og á að vera heima. 

KVennahlaupið á morgun og ég ætla sko að fara búin að ná mér í bol og allt, ætla að skondrast 3 km og fer auðvitað létt með það engin spurning. Líð út af í miðri göngu og fer heim í sjúkrabíl ahha..segi svona bara. Vonandi verður bara fínt veður.

Rakel er með vinkonur í gistingu og Brynja er einhversstaðar úti í þorpi, var á fótboltaleik en fór svo með einhverjum heim.  Katla er sofnuð búin að vera í stuði. Þuríður sjúkraþjálfi kom í dag og tók hana aðeinsí gegn. Heldur að nú sé þetta komið bara, er farin í frí en ég hef bara samband aftur við hana ef mér þykir þess þurfa. Katla allavega snýr höfðinu liggur við í hring eftir þetta og er ekki eins losaraleg eitthvað. Svo á mánudag á hún að fara í 3 mánaða sprautuna. PAbbinn er hræddur um að það líði yfir hann verðum gæfuleg þarna hjónin liggjum bæði í gólfinu, hann vegna sprautunnar en ég vegna vöðvabólgu á meðan barnið múkkar ekkiþokkalegir foreldar.

Best að fara að finna út hvar Brynjan er þýðir ekkert að láta þetta lið vera eftirlitslaust

Sjúlli kveður á yfirsnúningi

 

Deyjandi en hætti við...

Já svona getur þetta verið hélt virkilega í gærkvöldi að nú væri komið að því að kveðja fjölskylduna og ganga nær ljósinu (háfleyg) fékk svona hrikalega verki eiginlega um allan skrokkinn, missti jafnvægið, svimaði og var óglatt. Eyþór greyið nuddaði konuna sína í bak og fyrir en við það leið mér mun betur en varð alveg hrikalega þreytt. Er svo gjörsamlega komin í vítahring með helvítis vöðvabólguna að þetta er hreinlega ekki fyndið, þannig að ég fór í það að senda Dr Pétri mail og biðja um beiðni í sjúkraþjálfun þetta gengur ekki lengur. Er enn að drepast úr verkjum í hálsi og smá svima.

Fórum áðan við Katla að hreyfa okkur athuga hvort kjellingin myndi nú ekki skána eitthvað og löbbuðum í rúma klukkustund, fórum út í þorp og meðfram gleránni og ég veit ekki hvað og hvað, enduðum svo á að koma við á Glerártorgi og skrá okkur í kvennahlaupið á laugardaginn. Stelpan sem var að skrá spurði hvað þarftu nú stóran bol, ég sagði strax auðvitað LARGE haha þegar ég kom heim þá dró ég tjald upp úr pokanum haha loksins er seglagerðin farin að dreifa sér um landið Ég varð himinsæl að sjá þessa stærð, finnst ég meira að segja pínu lítil get farið í heila peysu innanundir þennan bol....haha gaman að þessu

Eyþór er úti í garði að sinna garðverkunum á milli þess sem hann málar vegg niður í Rakelar herbergi röndóttan haha gott á hann, alltaf einhver nýungagirni í þessum stelpum. Annars eru stelpurnar í vinnunni og Katla boppar hér í stólnum af hiksta og mamman hangir á netinu ekki það besta fyrir axlirnar...

Best að fara að sinna barninu

Sjúlli kveður útbólginn á ýmsum stöðum