Bíddu bý ég ekki Íslandi eða.......

Vá hvað manni brá þegar fréttatíminn byrjaði. Fyrsta mál var morð um hábjartan dag í Rvík, annað mál var banaslys í umferðinni og sá 5 á árinu og þriðja mál var að einhverjuð klikkuð gella beit eyrað af annarri líklega verið aðdáandi Tysons. Ég meina hvað er að ske á okkur litla saklausa landi. Morð og svo sjálfsvíg og það vegna þess að gaurinn var farinn að deita fyrrverandi konuna hans. Jahérna afbrýðisemi getur verið hættuleg eins og reyndar hefur oft sannast.

Fengum góða heimsókn í dag en það voru Pétur Halldórs og Jóhanna konan hans. Hittumst held ég of sjaldan, fólk í dag er orðið eitthvað svo bissí og hefur lítinn tíma til að rækta vináttu, ef maður er með fjölskyldu, í vinnu og skóla plús að eiga ungling sem þarf að hafa stundum svolítið fyrir þá er eiginlega lítill tími í eitthvað meira það er bara þannig. Svo eins og hefur verið hjá mér eiginlega síðan Katla fæddist þá hef ég lítið farið og það sem ég hef farið er svona eitthvað sem virkilega er nauðsynlegt skotist í búð eða fengið mér göngutúr bara til að fá að vera aðeins ein því ég þarf þess stundum:) Þannig er það

Kallinn kallar vill fá mig við hlið sér að horfa á mynd í tv..

Sjúlli kveður með bæði eyrun á hausnum "ENNÞÁ" 

Slóvenía yndislegt land

Erum hjónin að velta fyrir okkur sumarfríi næsta sumar. Höfum lítið getað gert fyrir dætur okkar og okkur í sumar þrátt fyrir gott frí þannig að okkur langar að bæta okkur það upp næsta sumar og hafa svona íbúðaskipti og jafnvel bílaskipti við einhverja fjölskyldu sem langar að heimsækja Ísland og Akureyri.

Eyþór er að verða kominn með slóvneskt ríkisfang eftir að hafa farið þangað dálítið oft en ég hef komið þangað einu sinni og ég var ekki farin þaðan þegar mig var farið að langa þangað aftur. Fallegt land virkilega og fólkið yndislegt.  En það er s.s. svona það sem við erum að velta fyrir okkur að fara til Slóveníu, kemur líka til greina að fara til Ítalíu eða Frakklands. En málið með Slóveníu er að það er svo ofsalega ódýrt að lifa þar, þannig að vera með 5 manna fjölskyldu er ekkert dýrt og maður getur alveg leyft sér ýmislegt. En þetta er allt í skoðun erum komin með fólk í að skoða þetta fyrir okkur og líka búin að skrá okkur fyrir svona heimilisskiptum á netinu. Bíðum spennt. Stelpunum finnst þetta líka voða spennandi og verður þetta endalaust gaman ef af verður sem verður ef einhver vill skipta við okkur.

Buðum Sigrúnu og Snorra í heimagerðar pizzur í kvöld og var það mjög gaman. Sigrún hefur verið að leysa Eyþór af hérna í júlí en er í námi í Danmörku og eru þau því að fara út aftur í byrjun ágúst. Hún er líka skólasystir hans úr Tónskóla Þjóðkirkjunnar þannig að þau hafa þekkst mjög lengi.

Katla ekkert verið spes í dag frekar erfitt lífið en samt betra en áður en hún fékk lyfið, bara eitt skref í vitlausa átt í dag en ég vona að það fari bara aftur fram á við á morgun. Sefur mjög laust núna og er meðvituð um ef ég fer og vaknar strax þannig að ég ligg hér með tölvuna í rúminu og blogga gott mál

Erum að spá í að borgarferð á þriðjudag. Erum komin með íbúð í miðbænum sem kostar 4500 kr nóttin ekkert verð. Ætlum bara að fara á þriðjudag og leggja af stað aftur snemma á fimmtudagsmorgun til að sleppa við verslunarmannahelgar umferðina. Rétt að leyfa stelpunum að kíkja í búðir. Annars er Rakel að fara á Búðardal á morgun og verður líklega þangað til að við förum suður en það á að visu eftir að koma í ljós.

Best að fara að forvitnast á netinu eitthvað   

Sjúlli kveður á leið í borg Vilhjálms 

Þeir deyja ungir sem guðirnir elska

Svo er allavega sagt, en hvað um þá sem deyja gamlir elska guðirnir þá ekki? Ég eiginlega þoli ekki þetta orðatiltæki og get ekki skilið afhverju guðirnir elski bara þá ungu sem eiga lífið fyrir sér og vilja guðirnir að þetta fólki fari yfir móðuna miklu? Ég veit ekki...en allavega þá finnst mér svo hræðilegt að hugsa um hversu margt ungt fólk deyr úr krabba, fólk sem á lítil börn sem aldrei koma til með að kynnast mömmu eða hafa mömmu/pabba til staðar þegar þau gifta sig, eða eignast sjálf börn, allt þetta sem manni sjálfum finnst svo mikilvægt. En málið er að enginn veit hver er næstur í þessum efnum, bílslys gera ekki boð á undan sér frekar en önnur slys, hef alltaf sagt að ég get passað sjálfan mig í umferðinni en ég get ekki passað aðra. Krabbinn stingur sér niður þar sem honum hentar, hvort sem þú ert ung, eða gömul, lítil eða stór. Margar ungar konur búnar að deyja úr krabba undanfarið og margar sem eru að berjast svo ótrúlega jákvæðar að ég var að hugsa, ef ég vissi að ég væri með krabba og ætti kannski ekki langt eftir gæti ég verið svona jákvæð...ég veit það ekki, eða er jákvæðnin kannski bara á yfirborðinu? 

Dauðinn er eitthvað sem ég hræðist í dag finnst það hræðileg tilhugsun ef eitthvað kæmi fyrir mig, of ung á fallegar dætur og góðan mann og góða fjölskyldu. En enginn veit sína ævina fyrr en öll er og finnst mér það mun gáfulegra orðatiltæki heldur en hitt .....Er líf eftir dauðann? Ég held það og er það mín trú. Þegar ég var lítil var ég viss um að amma mín væri að hlaupa um á grænu túni og allt fullt af fallegum fuglum og svoleiðis, einfaldlega afþví að mamma átti svo fallega englamynd sem sýndi eitthvað svona. En er þetta þannig? Vitum það víst ekki fyrr en við erum farin. Trúi ekki á að þegar maður sé að deyja að maður sjái "ljósið" held að það sé ekki þannig en hver hefur svo sem sína skoðun á því. En það eina sem ég veit að ég trúi pottþétt að það er líf eftir dauðann en hvernig líf veit ég ekki.

Sjúlli kveður í þungum þönkum 

já hvað annað

Bara verð að skrifa eitthvað hér, hef ekkert að gera og nenni engu. Eyþór er að horfa á Rauðhettu alltsvo teiknimyndina og honum finnst hún leiðinleg en auðvitað klárum við það sem við erum byrjuð á. 

Brynja var í partýi með vinnuskólanum en Rakel var úti með vinkonum sínum...hún fór í dag og bætti við gati í andlitið sem er allt í góðu og reyndar bara krúttlegt en hún fékk sér lokk í nebbann finnur reyndar til í því en allt fyrir lookið. Katla er nýtt barn allavega miðað við hvernig dagurinn er búinn að vera, hlegið og hjalað, togar í tærnar á sér hægri vinstri og skellihlær. Var reyndar eitthvað slök í morgun en síðan eiginlega nokkuð bara spræk langt frá því að vera góð en skárri allavega.

Fór til sjúkraþjálfara í dag og fékk yndislegt nudd, lifi fyrir að fara í þessa tíma finn ekkert til í smá tíma á eftir og vildi að ég ætti hreinlega eins og einn sjúkraþjálfara til að hafa hér og nudda okkur hjónin erum held ég að verða bara gömul ja hvað á maður að halda.

Mig langar að gera svo margt og mig langar líka í svo margt. Veit að ég hef skammast yfir græðgi fólks en kannski er ég ekkert skárri, mikill vill meira og aldrei er neitt nógu gott handa manni.. Mig er farið að langa í einbýlishús já eða myndi alveg sætta mig við raðhús en þetta er ekkert á leiðinni strax, er búin að finna hús í innbænum sem mig langar í og ætla að kaupa þegar ég verð stór það er æðislegt og risastórt...

Hef ekkert að blogga um þannig að ég ætla að fara að sofa, þarf að vakna eftir ca klukkutíma ef mín litla ætlar að halda sinni rútínu og heimta júllu kl 1 en kannski er það eitthvað breytt eftir að líðanin hennar fer batnandi hver veit en ég ætla nú samt að búa mig undir það.

Sjúlli kveður í draumaheimi 

Pælingar

Við Eyþór vorum að spjalla í fyrradag og eftir það hef ég verið mikið að pæla. Vorum að spá í "hvað er Guð" og trúum við á Guð? 

Ég hef aldrei almennilega pælt í þessu ég er jú bara skráð í Þjóðkirkjuna og hef látið ferma mig þar sem ég hafði jú ekkert val um skírina en auðvitað er það það sem ég vil að vera skírð og fermd. En hver er Guð í hvers konar líki er hann og afhverju er alltaf talað um hann Guð nema hún Auður prestur sem kvengerir hann. Ég trúi á guð en ég trúi ekki að guð hafi búið til allan heiminn, hann er enginn töframaður en samt er því haldið fram að hann er skapari himins og jarðar í Bíblíunni. Ég veit ekki og ég á eflaust eftir að pæla mikið í þessu þangað til ég kemst í það að spyrja kunningja að þessu.....hvað er guð...?

Er búin að biðja mikið til guðs, gerði það alltaf þegar ég var lítil fór með faðir vorið á hverju kvöldi og alveg í rauninni þangað til bara fyrir nokkrum árum að ég hætti því svona ca um það leyti sem ég hætti að kúra hjá Brynju minni fyrir svefninn sem er alls ekki svo ýkja langt síðan kannski 3-4 ár en við báðum alltaf bænirnar saman. Svo bara einhvern veginn hef ég gleymt þessu mér til mikillar skammar. Svo núna síðustu daga hef ég beðið mikið til hans vegna Kötlu minnar, er búin að hafa miklar áhyggjur af henni en vona að það sé nú að breytast. En er líka síðan hún fæddist búin að þylja þær yfir henni á meðan ég gef henni kvöldgjöfina. Veitir manni einhverja ró og betri liðan finnst ég vera að gera svo mikið.

Er samt yfirleitt ekki talin vera mjög trúuð og er það alls ekki, finnst t..d frekar leiðinlegt að fara í kirkju og hugsa að með þessum tveimur fermingum og einni skírn á þessu ári fer ég ekkert fyrr en næsta ferming verður....ja nema maður hundskist jú í sunnudagaskólann með krílið þegar þar að kemur.

Nóg um þessar rugluðu pælingar mínar.

Við hjónin erum að skipuleggja sumarfrí fyrir næsta sumar, verður mjög spennandi og er ekki hérlendis. Fyrst við stóðumst 2 fermingar þá hljótum við að geta staðið undir einu sumarfríi með okkar 5 manna familiu ja þetta verður gaman. Finnst snilld að gera þetta svona langt fram í tímann eiginlega bara æðislegt...En þetta kemur allt í ljós. Við ætluðum nefnilega að gera svo margt í sumar en vegna þess hvað KAtla okkar hefur verið lasin þá höfum við lítið sem ekkert gert en hún verður á skemmtilegum aldri næsta sumar....Unglingarnir okkar eru voða spenntir fyrir þessu og eru held ég farnar að pakka næstum því er samt heilt ár í þetta....haha þær eru æði

Rakel okkar var að eignast litla systir.....Til hamingju með það dúllan....á þá tvær nýjar systur fæddar á sama árinu með 4 mánaða millibili, því Katla er einmitt 4 mánaða í dag.....húrra fyrir því...svolítið mikil breyting hjá henni sem hefur alltaf verið ein að eiga allt í einu tvær pínulitlar systur já svona er lífið held hún sé nú alveg hæstánægð með þetta .... 

Ég er búin að vera að hengjast í hálsinum og Eyþór mjög slæmur í öxlinni hann má helst ekki fara í frí því þá verður hann að algerri klessu greyið ætti eiginlega aldrei að taka sér frí en þá kemur upp á móti að hann yrði geðveikur og ekki viljum við það. 

Best að fara að sofa bara já eða finna sér eitthvað að borða, fann í dag hjónabandssælu í Bónus sem er mjólkurlaus og var hún keypt auðvitað:)

Sjúlli kveður mjólkurlaus en samt ekki

 

Gonzales

Já þetta er sá eini sanni Speedy Gonzales músin knáa sem fer hraðar yfir en allt sem fer hratt. Í augnablikinu er Eyþór eins og hann því hann er búinn að borða eina lúku af dökkum kaffibaunum auk þess sem hann drakk þrjá sterka expresso. Svolítið tættur karlinn svarar hratt og rífur í hár sitt....bara fyndinn. Slökkti á kaffivélinni svo hann fengi sér ekki meira.

Meiriháttar veður búið að vera hér í dag var 19 stig og engin sól, fórum að horfa á Brynju spila á móti Þrótt Reykjavík og unnu þær 5-1 Brynja tognaði aðeins aftur á sama fæti og venjulega en gaf sig ekki og heimtaði að spila leikinn á enda haha....  Kötlu fannst voða gaman og komu Hilla og familia líka gott að hanga þarna í góða veðrinu:)

Fórum í morgun með Kötlu í myndatöku og gekk það ágætlega heyrum trúlega í Sigurði á morgun. Stelpurnar eru núna á balli í Sjallanum haha vinnuskólaballi og Páll Óskar dj.

Ég fór til dr. Péturs í gær út af þessum fjandans svima og kom í ljós að ég er með brjóskeyðingu/skemmd í hálsi eftir áreksturinn 2005 og ekkert hægt að gera, sjúkraþjálfun hjálpar eitthvað en liðverkirnir í höndunum, hálsverkurinn og höfuðverkurinn er eitthvað sem ég verð að læra að lifa með. Ég er hálf þunglynd yfir þessu en verð að vera bara dugleg að þjálfa upp alla vöðva í hálsi, herðum og baki en ég á samt að koma í segulómun af hálsi í ágúst til að staðfesta þetta, þetta er orðið tryggingamál og því verða öll gögn að vera 100% en guð hvað ég er svekkt.

Erum hálf ónýtar hérna mæðgur gerum ekki annað en að fara til læknis en allt í góðu með mig en verra með litla krílið okkar. En víkjum nú að einhverju öðru skemmtilegu.

Dísa í heimahjúkrun var að bjóða mér 50% vinnu í heimahjúkurn sem ég get því miður ekki tekið þar sem það er núna í haust og morgunvaktir stuttar ef þetta hefðu verið kvöldvaktir hefði ég ekki hikað og tekið þetta því þá hef ég alltaf pössun en svona er þetta verð bara að vera þolinmóð mín sterka hlið.

Hef svo sem ekkert meira að segja ætti líklega að fara að sofa fljótlega þar sem ég svaf ekki mikið síðustu nótt, annars er ótrúlegt hvað það kemst upp í vana að sofa ekki nema 5 tíma ég svo sem hef aldrei þurft neitt sérstaklega mikinn svefn þannig að þetta er ekkert stórvandamál þannig séð fyrir mig.

Best að fara að hvílast ætla kannski að henda inn myndum hérna á eftir ef ég nenni eða á morgun sjáum til.

Sjúlli kveður allur skakkur og skældur 

 

kominn tími til ehakki

Langt síðan síðast allavega miðað við svona mál/skrifglaða manneskju eins og mig. Ýmislegt mis merkilegt búið að gerast síðustu daga. Fermdi stjúpdóttur mína og það gekk svona skafið, allir glaðir og kátir held ég bara og nokkuð góð mæting bara.  Fékk mikið af fallegum skartgripum og peningum, ég vil fermast aftur ég fer alls ekki ofan af því, hver vill ferma mig.......?

Fórum með litlu Kötlu okkar í morgun til barnalæknis er greinilega eitthvað að henni litla skinninu, erfiðir dagar hjá okkur þremur s.s. foreldrum og henni, systrum finnst reyndar alls ekki auðvelt að hlusta á hana gráta meira og minna alla daga. Ég græt með henni á köflum get ekkert annað gert......en á að fara í rannsóknir í vikunni vonandi.

Vona að eitthvað spennandi sé að gerast í vinnumálum hjá mér, ef svo er blaðra ég því hér ef ekki þegi ég um það hér Er farin lúmskt að hlakka til að byrja aftur í skólanum í haust þó svo að það hafi nú ekki alltaf verið auðvelt á síðustu önn, en vona bara að næsta önn gangi vel, hlakka bara til. 

Ætlum að renna í borg óttans fljótlega og hleypa stelpunum í búðir með sumarhýruna, verða eins og beljurnar á vorin, við hjónin ætlum að heimsækja vini og ættingja á meðan með Kötlu hún er enn of ung í búðarrápið. Svo í ágúst verður tengdapabbinn minn 60 ára, ungur sem aldrei fyrr, yngist bara svei mér þá og ætlar að bjóða börnum og barnabörnum í bústað í Borgarfirði verður stuð svei mér þá, vona bara að Katla verði orðin skrallfær kemur í ljós.

Farið að kvíða nett fyrir Versló þar sem unglingarnir verða pissandi í garðinum hjá mér og jafnvel á bílinn minn. Sá í fyrra eða hittifyrra unga stráka labba upp alla Odderargötuna og pissa utan í bílana djössss viðbjóður, vildi að það væri hægt að setja rafmagn á bílana svo liðið fengi stuð í dindlana, haha myndi ég hlægja ójá pissa í mig úr hlátri. Rakel er voða spennt fyrir versló en Brynja ekki misjafnt hvað fólki finnst um þetta. ÉG hata þessa helgi hér í bænum og vil láta banna þetta en þeir sem eiga verslanir berjast fyrir því að þetta sé haldið þar sem þeir græða sem aldrei fyrr, afhverju þarf græðgi að stjórna flestu í heimi hér, nauðganir , fíkniefni og unglingadrykkja virðist skipta minna máli en að græða.......vei sé þessu fólki sem er gráðugt ...... ég er gráðug en bara í mat...hahahhah

Best að fara að skoða myndina sem kallinn var að leigja á VOD og ég þóttist vera verulega áhugasöm um að leigja en hef ekki hugmynd um hvað hún snýst.....þarf til Péturs læknis á morgun til að láta mæla hjá mér blóðþrýsting og fá blóðprufur þar sem allt snýst í hringi og sjúkraþjálfarinn minn vill útiloka að ég sé eitthvað veik, mér finnst svo hræðilega leiðinlegt að fara til læknis og það sem meira er að eftir að ég átti Kötlu þá er ég hrædd við nálar kannski afþví að ég var eins og nálapúði þegar ég átti hana með eins og 4 nálar í mér og fannst það ekkert spes.

Sjúlli kveður á hringferð um sjálfan sig

Hvað meinar vinkona mín hún Valla

Kominn tími á að maður fari að standa sig í blogginu, þýðir ekkert að þykjast vera bloggari og nenna aldrei að blogga ja svei.

Hvað höldum við að hún Valla vinkona eins og ég kalla hana gjarnan (Valgerður Sverris fyrir þá sem ekki tengja) sé að meina með því sem hún segir. Kannski heyrði hún Dabba Odds og Bjössa dómsa tala illa um Jóa bóner (Jóhannes í Bónus)  og Nonna Geira (jón Ásgeir) kunningjar mínir sko Bévítans ormarnir áttu að passa sig að vera ekki með kjaft í viðurvist Völlu vinkonu hún á eftir að skíta yfir þá Dabba og Bjössa og vona ég að hún verði með heljar drullu þegar það gerist og hananú. Svona sjálfstæðisfretar....

Annars er allt í rólegri kantinum, er að fara að ferma stjúpdóttur mína á morgun, og vorum við að gera salinn kláran áðan öll nema fermingarbarnið hún þurfi að vera í afmæli já svona er vor æska. En við redduðum salnum og er hann bara nokkuð fínn þó svo ég segi nú sjálf frá. Ætti kannski að fara að leggja þetta fyrir mig að halda veislur. Veisluþjónusta Ernu jú hljómar vel.

Katla litla er búin að vera lasin í mallanum frá því hún fæddist eins og flestir vita sem lesa, og þekkja okkur en svo er hún frekar versnandi en hitt og fór með hana til læknis í dag sem sendi hana til barnalæknis og á hún að mæta í einhverjar rannsóknir á FSA á þriðjudaginn bara krossa putta að allt sé nú í lagi sem ég veit auðvitað að er erum svo hraust þessi familia

Ætla að fara að fá mér kaffi og súkkulaði sem hann mágur minn Viðar kom með í dag og var svo góður að skilja eftir hjá mér veit hvað ég er brjáluð í nammi líklega.

Sjúlli kveður sætur að vanda

Kallar

Kalli litli könguló klifraði upp á vegg....ja hvað getur maður sagt, þetta syng ég hægri vinstri fyrir Kötlu þessa dagana, ég hata köngulær og hef alltaf gert en samt syng ég lög um þær. Ég er nottlega ekki í lagi, ætlar að verða mikið af Köllum í ár eru hérna úti hjá mér í hrönnum, hræðilegt, kvíði haustinu þegar þær fara að bjóða sér inn til mín í kaffi og með því....eins gott að byrgja sig upp af BANA 1.

Veðrið í dag búin að vera tær snilld, fórum í langan og góðan göngutúr í morgun við hjónin með Rollsinn og auðvitað Kötlu í honum:) og þegar við komum heim steinsvaf Katla í rúman klukkutíma úti já eðal barn. Fór svo og þvoði sætin á bílnum þar sem einhver hafði missti súkkulaði í sætið og það orðið að stórri og vinalegri klessu og leit út eins og kúkaklessa í sætinu.  Renndi svo áðan og þvoði drossíuna því ég stefni á að bóna hann á morgun já maður er duglegur. Búin að vera óvenju orkumikil í dag og mikið langað að gera og hef varla mikið stoppað sem er ágætt stundum, verð að hreyfa mig því annars bara stirna ég upp og verð eins og spýtukall veit ekki hvað er að ske með mig.

Horfðum á rosagóða mynd í gærkvöldi sem heitir Holiday og var jólamyndin 2006 ég mæli alveg með henni hún er svona klassísk mynd sem mann langar til að eiga ja allavega mig. Ég meira að segja hafði það af að horfa á hana alveg til rúmlega 1 já maður er allur að koma til....

Stelpurnar eru búnar að vera mest bara heima um helgina, Brynja reyndar fór á Old boys leikinn í gærkvöldi og Rakel í bíó og svo núna er Rakel með vinkonu í heimsókn en Brynja brá sér út í fótbolta bara gaman að því.

Ætla að fara að gefa Kötlunni minni júllu

Sjúlla júlla kveður......

Hversu mikill töffari er maður....!!!!!!

Jæja kominn tími til að verði eitthvað skrifað af viti hér inná...haha og rétta manneskjan til þess er ég mmmm. Allt gott að frétta héðan, var að koma frá því að sækja um nýtt ökuskírteini, mitt var búið að vera týnt í 2 ár og á þeim tíma er búið að taka mig einu sinni, og ég að lenda í árekstri tvisvar sinnum en aldrei fengið sekt fyrir að vera ekki með ökuskírteini, vona að löggan lesi ekki bloggið mitt múhahhah.....er samt yfirleitt góður ökumaður bara tilfallandi jájá

Fór svo og skipti um sjúkraþjálfara og var svo heppin að ég fékk minn gamla góða Einar aftur. Var orðin frekar pirruð á þessari sem ég var hjá hún gerði ekkert, þegar hún var að "nudda" mig þá var hún ýmist í tölvunni með annarri hendi, borða, geispa og það svona 20 sinnum á þessum hálftíma og þetta gerði ekkert gagn, ég er enn með jafnvægisrugl og svima og allt það skal segja ykkur það en hann Einar er bestur í hálsvandamálum jájá svona er það að kunna ekki að keyra og lenda í áreksti en endurtek aftur ég er yfirleitt góður bílstjóri....

Óskar Hafsteinn kíkti í gærkvöldi, ég ætlaði að svæfa sem snöggvast en steinsofnaði með Kötluna á júllu og vaknaði kl 1 fór á klóið og í þeim aðgerðum fór Óskarinn jahér og hér ekki það að ég hefði líklega ekki látið sjá mig í stofunni þar sem hárið var úti um allt, maskari niður á tær og fleira ógirnilegt jakk....þannig að í beddann fór ég aftur og svaf til morguns já lífið er ljúft. Mamma kom svo um 10 leytið þvi hún þurfti líka að fá nýtt ökuskírteini fórum saman kjellurnar og verðum rosa beib með ný skírteini löggan ætti að vara sig því við brosum okkar blíðasta á myndunum sem by the way við fórum saman í að láta taka jahér og hér já erum svo sætar á myndunum okkar

Kalt veður hér í dag en flott veður til að hreyfa sig í ... ætla held ég samt að hreyfa mig inni í dag já og kannski eitthvað í bíl.

Best að fara að gá til veðurs og fá sér í svanginn og jafnvel að hæ... sér nei segi svona......

Sjúlli kveður .........