opið blogg

Held mér hafi tekist núna að opna fyrir bloggið hennar litlunnar okkar á barnalandi. Ætti að vera opið núna en ef ekki verðið þið bara að henda á okkur mail og láta okkur vita:)

Allt fínt að frétta, rólegheit bara, sitjum hérna fjölskyldan og horfum á dramaþætti í sjónvarpinu, húsbóndinn nýbúinn að ganga frá tveimur vélum af þvotti á meðan ég lét prinsessuna éta á mér júllurnar er ofsa dugleg við það búin að vera í dag:) Sem betur fer því þá fer gulan fyrr.

Gunný og co komu við hér í dag á leið til Rvík og Búðardals, kemur svo hluti af þeim aftur um helgina þegar verður skírt.

Búin að vera með þvílíkasta hausverkinn í dag, þoli ekki hausverk ekki fengið hausverk síðan ég varð ólétt en kemur núna aftur gleðilegt. Langar að fara út og fá lit í vangana, leið á að líta úr eins og vampíra föl og aumingjaleg.

Nenni ekki að segja neitt meira enda ekkert að segja, andi röflsins ekki yfir mér.

Lilla amma er 80 ára í dag hipp hipp húrra fyrir henni allir saman nú, spræk konan.

Sjúlli kveður andlaus

Ekkert.

Þarf ekki alltaf að troða einhverri fyrirsögn eins og ég hef reyndar svo oft sagt:)
Var að lesa fréttablaðið áðan sem er svo sem ekki í frásögur færandi nema enn er kallinn þarna Kristján sem tuðaði hvað mest út af laginu hennar Silvíu Nætur í fyrra byrjaður að tuða út af textanum við lagið sem Eiríkur syngur, afþví að hann samdi íslenska textann gerði hann líka texta á ensku ef ske kynni og nú er hann brjál af því að annar var fenginn til að gera textann sem er reyndar finnst mér mikið flottari en þessa Kristjans sítuðandi.....Skal segja ykkur það sumir þurfa að tuða yfir öllu og hann er greinilega einn af þeim.

En svona er þetta bara. Var að draugast á lappir vaknaði reyndar kl 7 en þá vildi litla mín fá sopann sinn og svo hef ég legið og dáðst bara að henni en er s.s. komin á skankana og byrjuð að tölvast, sit hér með allt skóladótið fyrir framan mig og langar ekkert til að fara að læra en geri það nú fyrir rest. Er samt svo þreytt eitthvað og eins og lík í framan og það breytist ekkert:)

Elín sys droppaði aðeins hér inn í gær og færði mér svona heklað ullarvesti hrikalega flott auk þess sem það kemur til með að verma júllurnar á mér svo þær frjósi nú ekki....alltaf svo hugulsöm þessi elska.

Annars er ofsalega fallegt veður hér, rigning og bara hlýtt nokkuð 5 stiga hiti held ég bara. Ætlaði að fara út í smá göngu en ég er ekki viss um að ég geri það alveg strax svona. Segir mér svo hugur að ég ætti að bíða í nokkra daga:)

Búið að ákveða skírnardag s.s. á sunnudag kl 15 í kapellunni í Akureyrarkirkju og að sjálfsögðu verður það s. Óskar Hafsteinn vinur vors og blóma sem sér um að skíra litla gullið okkar kemur enginn annar til greina:) Hún á að heita.......kemur í ljós á sunnudaginn ekki þessa forvitni alltaf:)

Best að láta hér staðar numið og fara að blogga um fallegasta barn allra tíma á barnalandi......

Sjúlli kveður þreyttur

Skal nú segja ykkur það

Þá er maður mættur aftur síröflandi, mikið búið að vera að gera hjá manni, eignast eins og eitt stykki barn, og gekk það allt bara nokkuð vel en ég ætla ekki að gera þetta aftur aldrei.....búin að ganga í gegnum eina frábæra fæðingu og eina erfiða fæðingu og þá er málið dautt. En litla prinsessan er æðisleg eins og við er að búast þar sem foreldrarnir eru nú ekki af verri endanum:)

Hef sofið ca 3 tíma að meðaltali síðan ég kom heim og ég er á litinn eins og lík og ég er ekki að grínast, litla krílið er gult og ég er snjóhvít jahérna þessi fjölskylda:)

Eyþór er farinn að vinna og ég er bara ein heima með sætuna litlu doldið skrýtið höfum verið hér þrjú og dáðst að henni síðustu daga en svo er ég allt í einu bara ein sem er fínt því ég verð að drullast til að læra eitthvað styttist í 2 próf, ja annað í dag reyndar en hef tíma til að taka það til 30 mars en svo er annað í næstu viku og svo fer nú bara að styttast í vorprófin. Fljótt að líða maður lifandi.

Annars er mig farið að hlakka svo til að fara út að skralla með vagninn, ljósan sagði að við mættum fara með hana út eftir vikur - 10 daga ef veðrið yrði gott því hún væri svo stór og dugleg stelpa:) Passar að ég verð orðin nokkuð gönguhæf eftir þann tíma, jibbí.

Jæja ætla að fara að lesa aðeins í hjúkrun og reyna að skila eins og einu verkefni...

Sjúlli kveður með minni bumbu en síðast:)

Myndir

Varð bara að setja inn myndir af okkur mæðgum. Við erum sætar en það er lengi hægt að gera okkur sætari í flottu tölvunni :) Djellutöllunni

Sjúlli kveður ofsa fallegur

Náðhúsið:)

Eitt merkasta rit og mesta lesna rit allra tíma á mínu heimili allavega er Náðhúsið eftir Gústaf S. Berg hahaha þessa bók eignuðust við hjónin fyrir að verða 2 árum síðan og hefur hún síðan verið í blaðagrindinni á klósettinu enda eins og nafnið gefur til kynna á hún eiginlega heima þar:)
Mikil viska í þessari bók og held ég að allir fjölskyldumeðlimir hafi gluggað í hana á meðan þeir hafa verið á s.s. Náðhúsinu..ætla nú ekkert meira út í þessa sálma fór bara allt í einu að pæla í þessari bók, sumir lesa alltaf reglulega í biblíunni en við lesum reglulega í náðhúsinu :)

En s.s.. í bókinni er ýmis fræðsla og líka kennsla eins og t.d. ef illa gengur á settinu þá geturðu á meðan lært hvernig gera skal svan úr skeinisblaði mjög nytsamlegt, auk þess sem þú getur lesið brandara og verið í spurningaleik við sjálfan þig.

Allavega bók sem allir ættu að eiga engin spurning:)

Svo er speki mikil líka eins og þessi

Svona þekkirðu fertugan karlmann
Hann geymir húslykilinn á Jagúarlyklahring.
Hann klæðist of þröngum buxum enda ekki búinn að viðurkenna tilvist ístrunnar
Hann lætur sér vaxa skegg-það er eina hárið sem vex almennilega
Hann reynir sífellt við tvítugar konur - án árangurs
Hann les þessa brandara og hlær ekki

Svona þekkirðu fertuga konu
Bestu vinirnir eru hárgreiðslukonan hennar og snyrtifræðingurinn
Hún lætur eins og tíu ára, klæðir sig eins og tvítug og lítur út fyrir að vera fimmtug
Hún hefur sérstaka tösku fyrir hrukkukremin
Hún á fulla hillu af bókum um megrun og líkamsrækt
Hún hlær sig máttlausa að þessum bröndurum
ÞEIR lýsa vinkonum hennar fullkomlega:)

Svo mörg voru þau orð

Sjúlli kveður nýkominn af náhúsinu

Diggilú diggilei tralalalal

Snjóar og ég hélt að sommerið væri að koma bara nákvæmlega í dag. Svona gengur þetta og bendir hreinlega allt til þess að ég eigi ekki heima í veðurklúbbnum á Dalvík hvorki nú né síðar, spurning hvort þeir taki mig inn í nýja veðurklúbbinn sem verið var að stofna fyrir sunnan með Þór veðurfræðing sem heiðursfélaga, gæti kannski fengið að vera heiðursfélagi 2

Allt gott að frétta vonandi hjá ykkur ÖLLUM sem lesið þetta röfl í hvalnum. Jónas í hvalnum er löngu orðinn úreltur nú er það bara sagan um Ernu hval. En ég segi ykkur hana seinna ekki í stuði til þess núna. Svaf eins og engill í alla nótt, stökk fram úr beddinu kl 7:30 fann enga verki ekkert bara eins og ég væri ofsa feit, svolítið svona sein á mér en engir verkir takið eftir því og hananú. Eyþóri greyinu ofbauð og spurði hvaða orkuskoti ég væri á, þar sem ég hringsnerist og tók óhrein föt af gólfinu og sveif niður í þvottahús, grýtti í eina vél og braut saman úr annarri. Ekki séð frúna vera svona aktíva ja allavega ekki síðustu dagana. Veit ekki hvað er í gangi. Tja svei......hann vonar að þetta bendi nú til að ég fari að kreista mig síðar í dag, veit ekki hvort það verði nú að veruleika hef eiginlega bara enga trú á því. Og það sem meira er mér er eiginlega sama Marteinn kemur þegar hann kemur og hananú. Ja það er allavega nokkuð ljóst að það getur ekki brugðist

Elín og Viddi mágsi komu hér í gær, náðu okkur í bælinu ekki það að það var allt í lagi, stoppuðu hér í eina 2 tíma en svo þegar þau ætluðu að leggja í hann var Víkurskarð lokað vegna slyss þannig að þau reykspóluðu bara Dalsmynnið í staðinn á sínum fjallajeppa. Gaman að fá þau í heimsókn hef ekki séð hann mág minn síðan á nýjársdag vegna þess að hann er sjómaður dáðadrengur en ekki drabbari

Fórum svo í vöfflukaffi í Smárann til mömmu og það var auðvitað eðal og át ég mikið eins og hvalir eiga að gera á þessum árstíma. Haha held ég hafi borðað einar ........nei almáttugur ætla ekki að láta það út á netið einu sinni einhverjum gæti ofboðið, en jafnframt skilið stærðina á hvalnum haha ég hlakka svo til að verða ýsa aftur

Eyþór fór að klára að redda síðustu pappírunum fyrir feðraorlofið sitt, vantaði eitthvað upp á hjá honum þannig að hann svífur um allan bæ og leitar að pappírum varðandi það. Annars er hann að mestu heima þessa dagana og passar upp á hlunkinn sinn, góður kall sem ég náði í svei attan ég á hann tralalal. Erum svo að fara á eftir og kaupa fermingargjafirnar handa dætrunum og kallinn ætlar að gefa kellu sinni fermingargjöf líka og mig hlakkar svo til verð ógisslega mikil djella Er það fyrir eða sko já ræðum það bara seinna.

Best að fara að hundskast til að læra eitthvað svona smotterís......um að sjálfsögðu heilann, yeah eins og minn er nú upp á marga fiska. Förum í mæðraskoðun á eftir hipp hipp fyrir því.......nýjar myndir á síðunni hans Marteins undir bumbumyndir 2 allt að gerast

Sjúlli kveður alveg snaróður

Hvað!!!!!!!!!!

Segi fátt en skrifa þeim mun meira bara Ekki að það sé mikið að frétta úr munkakotinu okkar hér á Akureyri. Helgin liðin rólega og hávaðalaust, enginn Marteinn kominn í hús þrátt fyrir ýmis brögð kemur þegar hann kemur. Mæðraskoðun í dag sem ég sagðist ekki ætla í því ég ætlaði að vera búin að eiga, verð að bíta úr mér tunguna fyrir það Verður sárt en læt mig hafa það.

Karlinn var að vinna um helgina, engar nýjar fréttir það, átti samt frí eiginlega allan sunnudaginn, svona kannski fyrir utan að vinnan var í símanum aðallega. Var samt heima Sem var gott, gott að hafa kallinn heima sérstaklega svona þegar fer að líða að þessu....Eyþór sagði mér að fíllinn gengi með í 2 ár í gær ég hélt það væri nú styttra eða eins og 10 mánuðir og líkti mér því alltaf við fílinn alltsvo að ég myndi ganga með eins og fíllinn, hætt þeirri samlíkingu núna. Aumingja fíllinn get ekki annað sagt.

Kötturinn minn hann Ronaldo gaf skít í mig á föstudag, í orðsins fyllstu merkingu hann kúkaði á mig, hafði enga ástæðu til gerði honum ekkert. Fór með hann til dýralæknis var þá ekki ræfillinn með næstum 40 stiga hita og magasýkingu, varð að fyrirgefa honum skítkastið, verð að viðurkenna samt að ég var mikið reið við hann. Þarf að gefa honum eitthvað sull sambland af leir og kol til að hreinsa magann, á ekki hvítan og svartan kött þegar því er lokið því honum finnst þetta ekki gott og fer þetta um allan feldinn, nóg að gera hjá honum greyinum eftir hverja gjöf.

Skrapp í haggarann á föstudagskvöldið, urðum að fá nammi við Brynja, hittum Kiddý og fjölskyldu þar og svo Þórunni mína í heimahjúkrun alltaf gaman að sjá hana. Sé ekki mjög marga þessa dagana enda reyni ég að fara ekki úr húsi, hrædd um að legvatnið fari og ég kannski stödd í Bónus, þyrfti að leggjast niður og hóa á hjálp þar sem Marteinn er ekki skorðaður enn nei held ekki. Væri samt fyndið að sjá hvalinn liggja á bónusgólfinu og svamla í eigin legvatni og hrína á hjálp, fólk myndi kannski bara labba framhjá þyrði ekki að hjálpa mér.

Ætla að fara að gera skattaskýrsluna fyrir mömmu, er gríðarlega klár í því eða þannig.....en geri það samt.

Sjúlli kveður stórskrýtinn að vanda

 

 

Ekkert að segja

Hef aldrei neitt að segja en samt tekst mér alltaf að blaðra hérna alveg heilu síðurnar, merkilegt nokk...

Karlinn minn er í borginni að halda tónleika í kvöld en kemur aftur í fyrramálið, fer svo aftur suður þann 7 mars að halda aðra tónleika og fer þá að morgni og kemur morguninn eftir, eins og núna.

Er að drepast úr helvítis bak-, grindarverkjum og hjartsláttaróþægindum síðustu tvo daga er að verða frekar skapvond á þessu öllu saman, á engan veginn við mig. Vaknaði í fyrrinótt við það að mig dreymdi að ég væri búin að eiga og væri að fara út að skokka með vagninn......geðbilað lið maður. Þrái að fara að hreyfa mig...hlakka ekki lítið til, verð eins og Speedy Gonzales þegar ég verð búin að losa mig við bumbuna, þýt um allar götur

Fórum í dag mæðgur og keyptum fermingarkerti, servettur og gestabók, þurfti auðvitað að senda þetta allt suður til að láta merkja þannig að þetta kemur eftir 1-2 vikur. Ákváðum að vera bara snemma í þessu svo maður þurfi ekki að gera allt síðustu vikurnar, set þetta svo bara í plast og inn í skáp. Búnar að panta förðun, hárgreiðslu og myndatökuna. Ætlum að fara að kíkja eftir kjól og panta matinn en hún er að spá í að fá grillvagninn frá Bautanum koma á staðinn grilla, setja á hlaðborð og pakka svo öllu saman aftur og fara með það, gæti ekki verið þægilegra Svo er líka fínt að dreifa kostnaðinum aðeins á meira en bara einn mánuð. Búin að reikna lauslega að fyrir utan gjöf kostar þetta um 200-250 þús og svo deilt með 2 þar sem pápinn hennar borgar helminginn

Brynja fór í afmæli til vinkonu sinnar kl 6 þannig að ég skaust til Hildar og hitti Brynhildi Sól, en Ragnhildur og pabbi hennar fóru í laugina. Var að leita mér að svona hosum ungbarnahosum finnst svo krúttlegt að hafa lítil börn í þannig en fann engar, þannig að Hildur bjallaði snarlega í systur hans Guðmundar sem ætlar að gera svona fyrir mig, fyrst bara hvítar og svo þegar krílus er fætt þá koma fleiri litir Bara snilld.

Lilja Hrund kom aðeins áðan, með drasl í íbúðina hennar mömmu en hún er loksins búin að finna sér íbúð hér til leigu allavega tímabundið og prófa, og var Lilja s.s. að koma með dót frá Húsavík, verið að tína þetta svona hingað í rólegheitum, stóru hlutirnir koma kannski um helgina. Annars er Lilja komin í baksjúklingaklúbbinn í fjölskyldunni, er með bólgur í festingum í baki eða eitthvað slíkt og er á leið í sjúkraþjálfun...hræðileg þessi baksýki í familiunni.

Verð nú aðeins að monta mig en ég var í prófi í Líffæra- og lífeðlisfræði og fékk 7,5 og var nokkuð montin með það, þar sem þetta er einhvern veginn ekki alveg mitt fag og ég gat ekki mikið lesið Svo fyrir verkefnin mín í upplýsingartækni er ég búin að fá 4 x 10 og 4 x 9 er ég heili eða haha varð bara að monta mig. En svo þegar ég fer í lokaprófin þá lokast ég algerlega og man ekkert hræðileg líðan, hef alltaf verið svona, gengið vel þangað til kemur að lokaprófum.

Well ætla að fara að horfa á þáttinn House á skjánum og liggja þar eins og skata, þarf að vísu að skella mér í sturtu en það er seinna tíma vandamál, finnur enginn af mér fnykinn hvort sem er þar sem ég er ein heima

Hafið það sem best það sem eftir lifir kvölds..

Sjúlli kveður angandi af skítalykt

 

Goðamót:)

Mikið hrikalega er búið að vera gaman um helgina Finnst svo gaman á svona fótboltamótum og þó sérstaklega Goðamótinu. Mikil spenna búin að vera hjá Brynju alla helgina og þó svo að hún sé með marbletti í andliti, og út um allan skrokk, ónýtt bak, mjöðmin í klikki, öxlin eitthvað slök og bólgur á fótum þá var það alveg þess virði Hún allavega gengur mjög líkt móðurinni núna sem er hreinlega að drepast úr grindargliðnun. En s.s. Þórsarar voru með 5 lið  4 fl a og b og svo 5 fl a, b og c og lentu þrír flokkar í fyrsta sæti s.s. gull, einn með silfur og sá síðasti s.s. Brynju flokkur með brons og svo syngjum við bara Oleoleoleole ole ole....já sanni ungmennafélagsandinn.

Var ferlega gaman nema í krossspili í gær lentu þær á móti Þrótti R og lentu í hlutkesti um hver ætti að spila um 1.- 2 sætið og unnu Þróttarar það. En okkar stelpur urðu nú líka Goðamótsmeistarar í boðhlaupi hahaha snillingar.

Langar líka að koma því á framfæri að Þórsarar sem eru besta liðið á Akureyri léku 31 leik á mótinu en töpuðu bara 1 og geri nú aðrir betur en það. Liðið hennar Brynju fór t.d. taplaust í gegnum mótið en töpuðu í hlutkesti........já hverjir eru bestir ...............ÞÓRSARAR

Komnar myndir undir Goðamót 2007

Þannig var það nú, annars er allt með kyrrum kjörum, ég lærði helling á milli leikja en hef svo aftur ekkert lært í dag, ekki alveg í formi eftir að hafa staðið svona mikið um helgina, grindin alveg að súpa seyðið af því. Marteinn fílaði öskrin og köllin í Boganum tók svona vítaspyrnurnar alveg á fullu í bumbu sem ég segi upprennandi þórsari hér á ferð.

Eyþór er búinn að vera eiginlega í fríi alla helgina rétt skotist í kirkjuna til að athuga hvort hlutirnir gangi ekki sinn vanagang Annars hefur hann verið bara á Goðamóti eins og við. Erum boðin í mat til Hillu pillu og familiu á eftir, ég ætlaði að sjá um eftirrétt veit enn ekki hvað ég skal bjóða upp á, ótrúlegt en satt að ég matargatið skuli ekki vera búin að finna upp á neinu, held ég kaupi bara eitthvað úr þessu

Farnar að kíkja aðeins á fermingarhluti eins og hvernig liti hún vill hafa í kerti, servettum og skreytingum, fórum í Blómaval og valdi hún fjólublátt og bleikt mjög flott. Ætlum svo á morgun að panta förðun og klippingu að ógleymdri myndatöku hjá Dagsljós en pabbi hennar og Kristín sjá um að koma henni í hana, stefnir held ég bara á að fermast í Þórsaragallanum væri vel við hæfi

Búin að skrifa niður hverjum við ætlum að bjóða en það er í kringum 80-90 manns með þjálfurunum hennar og liðsfélögum, megum ekki gleyma þeimstærsti og besti vinahópurinn

Ætla að fara að láta mér detta í hug einhvern eftirmat efast um að það gerist samt.......

Sjúlli kveður með marenstertu í kollinum en ekkert í höndunum

Bítur????

Hellings heimsóknir á síðuna en bara 1-2 manneskjur sem kvitta......hvað er málið haldiði að þið verðið bitin eða......lágmarks kurteisi að kvitta.......

Sjúlli kveður ....frekar pirraður