Síðasta einkunn

Dásamlegt búin loksins að fá síðustu einkunnina í hús og var það eins og ein 10:) Gekk nokkuð vel í prófunum miðað við aðstæður til lestrar en ég var með 6,7,9,10 alveg ágætt bara náði allavega öllu og var það takmarkið:)

Búin að vera eins og skopparakringla í dag að dundast í undirbúningi, hætti við að kaupa fermingartertuna í Bakaríinu við Brúnna, munaði næstum helmingi á því og Kristjáns og svo varð ég s.s. að sækja tertuna í Bakaríið við Brúnna daginn fyrir fermingu þar sem það var lokað en hjá Kristjáns sæki ég terturnar kl 14 á fermingardaginn og munar það öllu.

Brynja fór líka í prufugreiðslu í dag og ég get nú ekki annað sagt en hárið verður geðveikislega flott, fórum svo og keyptum skraut í hárið líka og þá er allt klárt. Bara eftir að staðfesta myndatökuna, Harpa vinkona Hildar ætlar að græja svona kransaköku bara úr rice crispies fyrir börnin og þarf ég að fara og kaupa í það á morgun. Þarf lika að fara að finna föt á hlunkinn mig sem elskar að borða nammi og ætti að skammast mín niður í görn og hananú.

Katla búin að vera þvílíkt fyndin síðustu tvö daga hefur nú ekki langt að sækja það :) Hjalar og hlær á milli þess sem hún sefur eða bara gónir út í loftið.

Brynja er á fullu núna í prófum og ef ég þekki hana rétt þá gengur henni alveg snilldarvel:) Dugleg stelpa sem ég á. 

Eyþór þarf að spila í fermingu stjúpdóttur sinnar hvað er í gangi, er með aðstoðarmann sem er upptekinn við að spila annarsstaðar halló annaðhvort er maður í vinnu eða bara sleppir því. Óþolandi sá nú alveg fyrir mér að ég fengi að hafa kallinn við hliðina á mér þarna, því í flestu sem við höfum farið í svona hefur hann verið að spila, nema auðvitað brúðkaupinu okkar sem ég reyndar er svolítið hissa á.....yrði nú eitthvað sagt ef ég gæti ekki verið í kirkjunni þegar stjúpdóttir mín yrði fermd einhverjir myndu þá hneykslast efast ekki um það ÓÞOLANDI..... Svona er þetta, að vera gift organista.....

Fór í kaffi til mömmu í  dag á meðan Brynja var á æfingu og var  það fínt bara, fékk kaffi og með því:)

Heyrði aðeins í pabba í gær og er hann spenntur að koma í fermingu búinn að gefa Brynju fermingargjöf en ég má nottlega ekki segja hvað það er:) KEmur bara í ljós, er að velta vöngum yfir því hvað ég á að láta Kötlu gefa systur sinni og hef enn ekki fundið neitt kemur að því. Verður frá þeim báðum Rakel og henni.

Best að fara að sofa og ná einhverjum svefni af viti'

Sjúlli kveður ekki alveg sáttur núna þennan daginn 

London, París, NY, Róm já eða bara Munkó

Datt allt í einu í hug lag og er textinn eitthvað á þessa leið "aleinn og yfirgefinn ég arka æviveginn ó hvað ég vildi .....í örmum þínum" kannast einhver við þetta. Man að ég fékk lánaða plötu vinyl einu sinni hjá held ég Mása bróðir er samt ekki alveg klár með þessu lagi og tók þetta upp á segulband á mjög sérstæðan máta en s.s. já svo núna í einsemd minni hér datt mér þessi laglína í hug þetta er s.s. viðlagið minnir mig. Vildi gjarnan vita hvar ég gæti fundið þetta lag EINHVER.

Ein og yfirgefin passar nokkuð vel við núna, Brynja er farin að sofa, Katla er sofnuð og Eyþór er að taka úr nýju þvottavélinni og er svo að fara að sofa en ég nenni ekki á laugardagskvöldi að fara að sofa alveg strax enda ekkert gríðarlega þreytt. Erum búin að fá nýja ísskápinn okkar, nýju þvottavélina okkar og nýju viftuna svo þegar Eyór er búinn að græja það allt þá sprungum gömlu ljósin í eldhúsinu næstum í loft upp (ýki aðeins) þannig að ég fór áðan í húsasmiðjuna og keypti ný rosa flott ljós, ætlaði varla að tíma að hafa þau í eldhúsinu, enda  hafa þau ábyggilega fundið hvað þau voru út í hött innan um allt þetta nýja dót og ákveðið að enda sína ævidaga

Ótrúlega leiðinlegt sjónvarp á laugardagskvöldi einmitt þegar kannski flestir nenna og vilja horfa á sjónvarpið, hvernig stendur eiginlega á þessum skandal, tja spyr sá sem ekki veit jamm það er ég...

Eyþór er farinn að hafa varann á sér með vekjaraklukkuna því hann var alltaf með hana við hliðina á sér og átti það til að slökkva á henni og sofna aftur núna læsir hann kvikindið inni í skáp svo hann nenni nú á fætur en hvað gerir gaurinn jú hann stendur upp, opnar skápinn, slekkur á klukkunni og skríður aftur upp í rúm og sefur áfram. Var einmitt í þessum skrifuðu orðum að loka skápnum eftir að hafa stillt klukkuna, bara snilld, sagði reyndar ástæðuna vera þá að hún hefði svo hátt......yeah right. Verð að hætta þessu er að bögga þetta grey í hverju bloggi hann er bara svo fyndinn þessi elska að það er ekki nokkru lagi líkt.......hann fyrirgefur mér eða hvað......

One tree hill maraþon í dag 7 síðustu þættirnir sýndir ekkert smá frábært, reyndi eins og ég gat að góna á milli þess sem ég sveiflaði tuskunni og hélt á Kötlu hlakka til þegar næsta sería byrjar sem er núna bara næstu daga minnir mig, þvílíkur lúxus að vera í fæðingarorlofi þá seisei já. vantar bara rúllur þá er ég eins og bandarísk húsmóðir sokkin í sápuna.......

Tja hvað skal bulla meira....er að hugsa dettur stundum ekkert í hug til að skrifa en langar og þá þarf maður stundum að hugsa bara......nei því miður dettur bara ekkert í hug.....verð þá bara að hætta......kem inn síðar með sjóðheitar fréttir af okkur hér.......

Sjúlli kveður aleinn og yfirgefinn 

 

 

Hvað er í gangi

Ekki vildi ég vera framsóknarmaður núna úthýst algerlega, segja svo að allir séu bara vondir við þá haha þetta er með ólíkindum. Lýst nú ekki á Ingibjörgu og Geir hefði nú viljað eitthvað annað..en ekki ræð ég því miður því þá væri nú allt vænt sem vel er grænt.....

Kviknaði í eða var kveikt í hér á Akureyri í dag, dekkjum rétt hjá krossanesverksmiðjunni. Hver ætli hafi verið svona stórkostlega heimskur einhver greinilega ekki alveg heill á geðsmunum en sem betur fer þá lagði reykinn ekki yfir bæinn heldur Hörgárbyggð, ef reykurinn hefði staðið yfir bæinn var sagt að hefði þurft að rýma bæinn, hefði samt viljað sjá þá framkvæmd, haha bæjarbúar reknir eins og rollur upp í Vaðlaheiði og látin bíða þar Nei þetta er nottlega bara ekkert grín meira svona háalvarlegt.

Katla er búin að eiga ömurlegan dag í dag en vonandi að það sé búið allavega steinsefur hún núna vafin inn í sængina sína og sefur ósköp fallega litla skinnið, vildi geta tekið þessa magaverki fyrir hana en svo gott er það nú ekki.

Arna frænka frá Húsavík kom í heimsókn í dag með stelpuna sína hana Kareni og vinkonu hennar. Hef held ég ekki hitt hana síðan ég flutti frá Húsavík er nefnilega ekki sú duglegasta að fara til Húsavíkur. Alltaf gaman að sjá hana samt sem áður. Ætlum að reyna að hittast reglulega hér eftir. Hún færði Kötlu tvennar buxur, bol og sokkar bara æði

Mamma og Hildur komu líka seinnipartinn með tvær sólir með sér, urðu að smakka kaffið úr vélinni okkar flottu, fannst það gott held ég. Eyþór er búinn að vera svona svolítið eins og raketta í dag, nottlega mjög ánægður með vélina og drekkur kaffi grimmt og liggur við að hann hafi verið að sveifla sér í

ljósakrónunum hér, he Tarzan me Janegrrrrr haha

Fór í Bónus aðaltilgangurinn var að kaupa bleyjur en næsti tilgangur var að kaupa rjóma og súkkulaði svo ég gæti búið til Swiss Mokka mundi bleyjur en gleymdi hinu, skondið....

Við systur ætlum að fara í göngu í fyrramálið ég með Rollsinn hún með hjólbörurnar haha ég á svo flottan vagn hún reyndar líka en ..........keypti mér nokkuð mjög svo nauðsynlegt á vagninn um daginn hef sjaldan eða jafnvel aldrei fjárfest svona vel, ég keypti glasahaldara á djelluvagninn þannig að núna get ég brunað með vaginn og verið með Swiss Mokka úr te og kaffi og verið samt mjög flott að líta á ekki hálfbogin með glasið í hendinni að reyna að sleppa við að hella yfir Rollsinn.

Eyþór er að horfa á þáttinn sinn Desperate housewifes, vildi nú ekki viðurkenna þegar við vorum í Trivial og hann vissi ÖLL svör sem tengdust þessum þætti að hann horfði á þetta en *hóst* hann er að horfa og er stjarfur tökum eftir því og flissar yfir honum. haha fæ líklega skammir þegar hann sér að ég er búin að setja þetta leyndarmál hans á netið en svona er lífið. Æi hann er æði

Á ég ekki bara að hætta að röfla hér, finnst það samt svo gaman, finnst ég eitthvað svo stórfengleg þegar ég hendist með puttana yfir lyklaborðið og finnst ég hafa svo margt að segja sem ég svo reyndar fatta eftir á að er bara rugl. 

Ég er hætt

Sjúlli kveður æðisleg að vanda

Pirrrrrrr

Andskotans var búin að blogga svona eðal langt blogg og ótrúlega hnyttið og skemmtilegt en hvað það bara hvarf merkilegur andskoti. 

Byrja aftur. Við hjúin fórum í dag og fjárfestum í ísskáp, þvottavél og viftu og fáum þetta á föstudag og mánudag, en svo ákváðum við að fjárfesta líka í kaffihúsi svona alvöru kaffikönnu sem malar og býr til expresso, cappocino og Swiss mokka eða maður getur gert það, Hildur og Lilja má bjóða ykkur í kaffi. Eigum eftir að læra aðeins á hana.....bara æði

Buðum Óskari, Unu og börnum í pizzu ala Eyþór og var hún bara algjör snilld, karlinn er alveg eðalkokkur, buðum þeim svo kaffi úr nýju flottu vélinni og lífrænt ræktað súkkulaði með....það stóð á hillunni lífrænt ræktað haha

Helga Björg og Binni til hamingju með soninn, en þau eignuðust son í kvöld er ekki enn búin að heyra stærðartölur en það hlýtur að koma fyrr en varir, hrúgast alveg börnin inn í fjölskylduna, 2 mánuðir á milli Kötlu og drengsins:)

Brynja brá sér á dansleik í Síðuskóla með fótboltagellum bara gaman að því vona að hún verði ekki mjög lengi þar sem mamman er frekar lúin þessa dagana..  Erum búnar að vera að dunda í fermingarundirbúningi skoða salinn, ræða við húsvörðinn, kom nú í ljós að það er bókuð fermingarveisla í salnum daginn áður líka þannig að líklega getum við ekki fengið salinn fyrr en um morguninn ekki að það er ekkert mál, verst með fermingartertuna veit ekki hvar ég á að geyma hana þvi við þurfum að taka hana á laugardaginn þar sem bakaríið er lokað á sunnudag en það reddast. Búnar að kaupa eitthvað skreytingarefni en eins og alþjóð veit er þemað bleikt og fjólublátt.

Mási bro  varð 50 ára þann 14 maí sl. ef fólk er að velta fyrir sér afhverju það var flaggað, ekki fyrir forsetanum heldur Mása....ójá

Ási frændi datt í bæinn í gær var að dæma próf upp í Háskóla og náði svo að hitta familiuna aðeins hef ekki séð hann í einhver ár enda hefur kallinn verið búsettur í Danmörku....hitti hann aftur í fermingunni hennar Brynju en hann kemur þangað með dæturnar en María verður í útlöndum með vinkonum sínum að fagna 30 ára afmælinu sínu minnir mig.

Slæmur dagur búinn að vera hjá Kötlu í dag, var að byrja að gefa henni AD vítamíndropa sem hjúkkan sagði að hún yrði að fá og þeir fara svona heldur betur í magann á henni og ætla ég sko ekki að gefa henni þá aftur...ónei

Verð að koma því hér að að ég stóð öll prófin, búin að fá úr 3 og veit ég stóð það 4 þó svo að einkunn sé ekki komin, segi nú ekki annað en hjúkk 

Best að fara að glápa á tv ekkert betra að gera 

Sjúlli kveður þrælmontinn 

Ástvaldur með stóra typpið ég meina nefið............:)

Í kvöld var mynd á RÚV sem fjallaði um einhvern apastofn einhversstaðar langt langt út í heimi ekki grænan grun hvar þetta var en það er nú aldeilis ekki aðalmálið heldur nefið á apaskrattanum Þetta er s.s. Ástvaldur eins og hann hét í myndinni og hann var eini kallinn í 28 apaynja hóp og hann hafði stærsta nefið sem þýddi að hann var kynþroska og gerði ekkert annað allan daginn en að dunda sér með ynjunum......sældarlíf hjá þessum apa og eflaust margur mannapinn sem vildi vera hann Ástvaldur vinur minn.....SPÁIÐ í nefið hverju finnst ykkur það líkjast....hahaha ætla ekki að segja ykkur hvað ég er búin að hlægja mikið af þessum apastofni, pæliði ef maðurinn væri með svona trýni múhahahhahah Svo var annar api en hann hét Villi og var með minna trýni enda ekki kynþroska eða eitthvað........

 

Sjúlli kveður og finnst trýnið líkjast T...I

kosninga og júró

Skandall, serbar unnu júró hvað er málið með það eiginlega, hætt að skilja og held að það sé meiri parturinn af okkur íslendinum sem skilur ekki neitt í þessu.

Horfði til rúmlega eitt í nótt á kosningasjónvarpið fór glöð að sofa þar sem stjórnin var fallin en þegar ég vaknaði í morgun hafði hún rétt marið þetta....hvað er að íslendingum, viljum við EKKI breytingar, viljum við hafa hlutina eins og þeir hafa verið í 16 ár. Ekki ég og þess vegna kaus ég vinstri græna og reyndar unnu þeir stórsigur hreinlega sem er bara stórkostlegt:) Við hérna á norðaustur horninu eigum núna 2 þingmenn

Fórum við Katla í mat til Hildar og co í gærkvöldi og fengum alveg eðal gamaldags kótilettur með kartöflum, fitu, grænum baunum og fleiru alveg svakalega gott og svo snakk, grænmeti og ídýfu á eftir. Bara snilld var þar til 9 en þá ákváðum við Katla að fara að fylgjast með stigagjörinni heima. 

Var partý hjá Brynju hér í gær reyndar bara 2 bekkjarbræður hennar, græddi snakk þegar ég kom heim nennti ekki að horfa á stigagjöfina horfði eiginlega ekkert á keppnina þannig að mér var eiginlega alveg sama hver vann hélt samt að Úkraína myndi vinna var doldið fyndið

Við Katla skutluðum Brynju svo á æfingu kl 13 og fórum á Glerártorg að verða okkur út um vistir, keypti líka lök á rúmin hjá Brynju og Kötlu og mér nýtt peningaveski, ekki að ég eigi einhverja peninga til að geyma í því

Sótti svo Eyþór á völlinn kl 15 en hann var sem áður segir með kirkjukórinn í borginni. Erum svo að fara með Kötlu í 6 vikna skoðun (er að vísu að verða 8 vikna) á morgun kl 10 minnir mig og hlakkar mig ekki lítið til að vita hversu mikið hún er búin að lengjast og þyngjast spennandi. 

Ég var rosa dugleg og skokkaði 2 km á brettinu í morgun á meðan Brynja passaði og drap svo boxpúðann í nokkrar mínútur, ætla að fara að reyna að hreyfa mig aðeins og bara stutt í einu byrja oft af svo miklum krafti og gefst svo upp en ætla sko núna að taka á því mér leið svo vel á eftir rennandi sveitt og illa lyktandi það er sko lífið. Hissa hvað þolið hjá mér er fínt hélt ég yrði alveg þollaus en ég varla blés úr nös eftir þetta damn I am good

Sjúlli kveður kófsveittur á hlaupum 

Barnaníðingsógeð

Var að lesa fréttablaðið í morgun og borða mitt eðal cherios þegar ég kem að frétt um mann á fimmtugsaldri sem dæmdur hafði verið í 6 mánaða fangelsi fyrir að eiga í vörslum sínum barnaklám á 7 þúsund ljósmyndir og á 2 hundrað hreyfimynda og mikið af þessu voru myndir af REIFABÖRNUM. Afhverju er svona erfitt að breyta lögunum sem snúa að kynferðisglæpum. Það er ekki stórmál að breyta lögum um laun í fæðingarorlofi eins og gert var ekki alls fyrir löngu sem var frábært en afhverju er þessi málaflokkur ekki tekinn fyrir.....ég meina það mig langar að gráta. Þetta er verri glæpur en morð og 6 mánuðir er bara fáránlegt...fyrir manndráp hér á landi er allt upp í 16 ár.....svona 6 mánuðir ég er ekki að ná þessu. Ég myndi drepa hvern þann sem gerði einhverjum nátengdum mér svona. Ég myndi kannski fá 8 ára dóm sitja inni 4 ár já það væri þessi virði....enn og aftur mig langar að gráta

Það er kalt hér í dag, hvasst og skítakuldi. En er að hugsa um að fara í sturtu og kjósa svo..líður eins og ógeði eftir að hafa lesið þessa frétt.....

Setjum X við V það er eina vitið

Svona í lokin þá bara vil ég hæla Jóhannesi í Bónus fyrir að vera maður sem þorir, góð auglýsing hjá honum ef ég myndi kjósa D- listann myndi ég strika yfir alla bara....hálfgerðir lubbar upp til hópa, svona til að vera viss. Jóhannes þú ert maður með viti kannski sá eini húrra fyrir pylsugerðarmanninum eða húrra fyrir Jóhannesi......þú ert snillingur

Sjúlli kveður með kökkinn í hálsinum 

Júró skúró

Helv....út á hvað gengur þessi fjandans keppni eiginlega. Klíka og ekkert annað hef held ég aldrei séð eins svakalega mikið af leiðinlegum lögum og í þessari keppni núna og þvílíkur skandall að Eiki flotti komst ekki áfram. Ég sem fékk gæsahúð og verk í júllurnar þegar ég hlustaði á lagið......ætla ekki að horfa á laugardagskvöldið....bara nenni því ekki þoli ekki þessa keppni........

Hérna var ættarmót þvi sem næst, bauð Hillu og dætrum, mömmu, Liljunni, og svo birtist Viddi mágur hér og var ég með Burritos jájá ekkert smá eðal, allir í stemmara en svo fór sem fór, Liljan brunaði á Egilsstaði eftir þessa sorglegu niðurstöðu og býst ég fastlega við að hún þurfi að stoppa stöku sinnum hreinlega til að þerra tárin, já svona getur júró verið ömurlegt, vil bara að við íslendingar hættum að taka þátt þar sem það er fyrirfram ákveðið hver vinnur þetta helv.....ég er svekkt engum blöðum um það að fletta.

Sjúlli kveður með tár á hvarmi

Búin

Þvílík sæla, þvílík gleði, þvílíkt dásamlegt ég er búin í prófunum. Ætla ekki að lýsa því hvað mér liður dásamlega vel. Las eiginlega ekkert fyrir sálfræðina já eða bara ekkert mætti segja, sat með einhverjar glósur og horfði á þær, gekk samt held ég alveg ágætlega en ég gef samt engar yfirlýsingar kannski hef ég fallið og það skítfallið eins og ég held ég hafi skítfallið í LOLinu jájá skeinarinn kemur að góðum notum.

Er að verða pirruð á þessum þursum sem eru í framboði nema nottlega mínu fólki. það er ekkert í sjónvarpinu nema einhverjar kosningaauglýsingar. Svona er þetta. Verð með smá júró partý hérna annaðkvöld, allir velkomnir látið bara vita í tíma:) Mamma og Lilja eru búnar að boða komu sína eru fleiri .... Eyþór neitaði að vera með aukaæfingu hjá kirkjukórnum, fórnar nú ekki Eika bleika fyrir kórinn

Munaði engu að hann og Katla yrðu hreinlega straujuð niður í dag af gamalli kerlingu á bíl sem vissi ekki alveg hvort hún ætlaði að bakka eða fara áfram, bakkaði og niður af svona stalli og hrundi ofaná á stóran og glæsilegan Volvo jeppa kerlingargreyið. Eyþór og Katla voru akkúrat að labba þarna og Eyþór sá kjelluna en eitthvað sagði honum að fara tilbaka rétt áður en þetta skeði annars líklega hefði ekki verið að spyrja að leikslokum þar sem sú gamla bakkaði á mikilli ferð. Pjúff var heldur skelkaður greyið kallinn en sem betur fer þá fór þetta betur en á horfðist. Katla sást meira að segja í fréttatímanum á stoð 2 að vísu bara í vagni en Eyþór sást:) Fræg bara

Ætla að fara að borða

Sjúlli kveður 

Skeinari til sölu

Brynja er í fjáröflun fyrir flokkinn sinn hjá Þór og fengu þær það skemmtilega hlutverk núna að selja 48 rúllur af skeinara hver. Já takk fyrir nú er um að gera að næla sér í skeinara á góðu verð, hann er alls ekki sá ódýrasti en ég meina þetta er nú fjáröflun og yfirleitt endar mamman á því að kaupa allt helv.... draslið:) En núna fjárfesti ég nú ekki í nema 24 rúllum þannig að við erum vel stödd hér á bæ ef herra Drulla kemur í heimsókn, eru ekki fleiri sem vilja vera tilbúnir á móti þeim óvætti sem hann getur verið

Eyþór tók sér frí í dag allt nema hann þarf á kóræfingu í kvöld, svo ég gæti nú lesið undir próf sem ég er að fara í á morgun og veit að ég er fallin í en ætla nú samt að reyna, hef ekkert getað lært eiginlega síðan ég átti Kötluna. Er núna í smá pásu tek tölvupásu í staðinn fyrir kúkapásu enda er ég að spara skeinarann verður eflaust full þörf á honum á morgun fyrir próf....ég veit ég er dönnuð. Hann s.s. skrapp í göngutúr núna með Kötlu í rigningunni.

Hlakka til helgarinnar, bæði kosningar, júró og ég búin í skólanum þessa önnina jibbí. Eyþór verður að vísu fyrir sunnan um næstu helgi með kirkjukórinn sinn þannig að engin júróstemming hjá honum sko hvað þá kosningastuð, var að hvetja hann til að fara og kjósa utankjörstaðar...... 

Ég ætla að fara að lesa fyrir LOL reyna að læra allt sem ég get aldrei, til hvers þarf ég í sjúkraliðanum að kunna eitthvað um heilataug nr XII sem heitir undirtungutaug efast um að ég þurfi að nýta mér þá þekkingu innan um allt gamla og fallega liðið mitt, skal nú segja ykkur þarð

Sjúlli kveður alveg að fara á taugum