Einn fyrir svefninn

Íri var á bar og sat að sumbli.  Þegar hann var búinn að fá nóg og ætlaði að standa upp af barstólnum datt hann framfyrir sig og beint á smettið. Hann reyndi að standa upp en datt bara aftur.

Þá skreið hann út að hurð. Þar reyndi hann að standa upp, en aftur datt hann. Hann skreið út og ákvað að skríða þess 600 metra sem voru heim til hans. Þar reyndi hann enn að standa upp og enn sama sagan hann datt.

Hann skreið upp stigana og svo inn í hjónaherbergi þar sem hann datt beint á andlitið í hjónarúmið og sofnaði.

Morguninn eftir vaknaði hann við að konan hans öskraði: Ómar varstu á fylleríi eina ferðina enn. "Já sagði hann"

Þeir voru að hringja af barnum, þú gleymdir hjólastólnum eina ferðina enn....

Sjúlli kveður í stuði... 

Gulrót Hvítkálsdóttir:)

Hef aldrei á minni stuttu æævi (er svo ofsalega ung) étið eins mikið af grænmeti og síðustu tvær vikurnar reyndar minnkaði grænmetið þessa vikuna og hafði hjúts nammidag en samt fauk 1.4 kg tja tja maður bara skilur þetta ekki. Reyndar hef ég verið að hlaupa dálítið en ég hef tekið 20 mín suma morgna og svo aftur 20 mín seinniparta, fæ stundum svona þörf og bara verð að hreyfa mig og það rösklega. En nóg um það samtals 2.8 kg farin og það er gott. Vonandi fara hin hægt og sígandi líka.

Kalt hér á Akureyri í dag, var snjókoma og ógisslega kalt í morgun en hefur nú aðeins ræst úr þessu og er nokkuð bjart veður en kalt engu að síður. Ætla að fara að fjárfesta í úlpum við tækifæri, Brynja á eftir að velja sér sína en við ætlum að gefa henni hana í afmælisgjöf, förum í Sportver við tækifæri verður að eiga úlpu stelpan, keypti sér reyndar sjálf úlpu í fyrra en hún fílaði hana svo aldrei þannig að ég ætla að reyna að selja hana, kostaði 24 þús en var á 50% afslætti þannig að hún fékk hana á 12 þús og hefur aldrei notað hana jahérna þessir unglingar

Bauð mömmu í mat í hádeginu á morgun ætla að gefa henni eðal DDV mat grænmetisbuff og eftirréttinn sem ég gaf upp hér í síðustu færslu. Snilldar matur.

Við mægður kveiktum upp í kamínunni í morgun og höfðum það huggulegt og góndum á söngvaborg og sungum og slógumst, Katla er að verða dálítill fantur en ætlar sér að vera góð kemur voða fallegt hljóð úr hennar munni en svo fylgir hártog með átjs ekki gott en ótrúlega fyndið. Tönnslan hennar er komin vel upp og er hún farin að geta bitið frá sér með henni, pabbi hennar tróð putta upp í hana áðan til að tékka á þessu og hún beit hann múhahahahha honum er nær, organistanum að vera að hætta fingrunum á sér.

Var rosalega dugleg í morgun og kláraði sálfræðiverkefnið er núna að dunda mér við að glósa aðeins úr köflunum sem það var úr eða kaflanum réttara sagt. Mikið að læra. Drullaði á mig í prófi sem ég tók í síðustu viku fékk mjög lélega einkunn ætla ekki einu sinni að flagga henni hér en hún var léleg. En hvað um það ég veit allavega hvað ég kann og hvað ekki.

Best að fara að læra nóg af því framundan

Sjúlli kveður verður bráðum sjúkraliðafræðingur ehakki....... 

Hér sé stuð...

Laugardagskvöld og ég sit hér alein og yfirgefin, krílið sofnað, Brynja á Króknum og kallinn í Mývatnssveit að spila með Skara Pé. Ekki það að mér leiðist neitt alls ekki neitt langt í frá. Hef það huggulegt með kaffibolla, kertaljós, horfi á fréttirnar svona með öðru auganum og spá í hvort ég eigi að rjúka í sálfræðina. Er aðeins byrjuð að lesa í henni, sálinn nágranni minn kom svo í kaffi í morgun klikkaði alveg á að fá aðstoð haha frá honum hefði hreinlega átt að biðja hann um að fara með verkefnið og koma með það á morgun

Búin með vefsíðuverkefnið í UTN var mjög einfalt fannst mér. En ég á nú eftir að æfa mig oftar á að gera það allavega lesa það betur, maður lærir ekki alveg allt með því að gera hlutina bara einu sinni neinie.

Var nammidagur hjá mér í dag og ég komst að því að ég elska enn súkkulaðiekki að ég byggist við öðru. Á mjög erfitt með að borða allt sem ég á að borða ældi næstum i gær af ofáti og liggur við að mig kvíði fyrir hverri máltíð ætla aðeins að breyta þessu en hafa DDV kúrinn að leiðarljósi, get ekki étið svona mikið. Er að byrja að hreyfa mig helst 5 x í viku. Hlaupa, boxa og jafnvel einhverja tíma á eftir að kanna það mál. Jájá svona er það nú.

Höfum lítið gert í dag ég er búin að vera alveg hundkvefuð og með hausverk þannig að við höfum bara verið heima í rólegheitum, þrifum lauslega hérna og lágum svo bara á meltunni.

Snilldaruppskrift hérna svona í lokin mjög góður eftirréttur

2 dl létt AB mjólk, 10 gr hreint kakó (t.d Sollu kakó), sætuefni fljótandi, 10 dr piparmyntubragðefni, 4 dr vanillubragðefni. Hrært allt saman. 150 gr jarðarber brytjuð niður og ein pera og sósunni hellt yfir. *slurp*

Sjúlli kveður saddur og tja eiginlega bara bumbult:) 

Einn helgarbrandari:)

Snarvitlaust maður með nýsteikt lambalæri í hendinni vindur sér inní Nóatúnsverslun og beint að kjötborðinu og segir við unga afgreiðslumanninn.

ÉG VAR AÐ STEIKJA ÞETTA LÆRI SEM ÉG KEYPTI HÉR Í DAG OG ÞAÐ VARÐ EKKI AÐ NEINU. ÉG ER MEÐ MATARBOÐ OG ÞETTA DUGAR ALLS EKKI. (ÞRUMAÐI HANN ÚT ÚR SÉR)

 Afgreiðslumaðurinn ungi horfir skelkaður á þann reiða  og sagði svo:

Jaá veistu hvað?!! Ég keypti mér lopapeysu um daginn, svo varð hún skítug og ég henti henni í þvottavél og síðan í þurrkara og hún bara hvarf!!!!!!

.....bætti svo við. Hedurðu að þetta geti verið af sömu rollunni?????!!!!!::::))))))))

 

Sjúlli kveður með aulahúmor að vopni 

 

Haus fullur af hori...er ekki lífið yndislegt:O

Ótrúlegt, ég sem kom hér með yfirlýsingu um daginn að ég væri svo eitruð að kvefið vildi bara ekki nálgast mig hefur greinilega ekki verið rétt.Ég er gersamlega stútfull af kvefi að það er eiginlega bara grátlegt. Þoli ekki kvef því þegar ég verð kvefuð sest það að í hausnum á mér og andliti og bara er þar óþolandi. En svona er lífið bara og ekkert við því að gera 

Fórum og dekkuðum salinn í gær og vorum snögg að, hljóp svo heim með vagninn þegar kl vantaði korter í 7 því ég ætlaði að vera mætt aftur kl hálf átta til að selja inn. Skutlaði Kötlu í náttföt og gaf henni að borða á meðan ég eldaði mér fisk í ofninum og grænmeti. Skutlaði mér í föt þarna inn á milli, gaf litlu brjóst og sótti mömmu og þá var nú kominn alveg hellingur af fólki. En sonur Óskars og Jónína voru komin í miðasöluna þannig að þetta var allt undir control.

Fullur salur og mjög gaman, þeir félagar fóru á kostum og var þetta ofsalega gaman :) Óskar söng uppáhaldslagið mitt í restina sem Eyþór tileinkaði konunni sinn (mér::) og litlu dótturinni (sem finnst þetta mjög skemmtilegt lag) en það heitir Vertu hljóð og er vögguljóð. Reyndar orðaði Eyþór það þannig að það mátti skilja það sem svo að ég ætti að vera hljóð...haha klaufalegt en fyndið Óskar Pé átti stórgóða setningu en Sr. Óskar Hafsteinn var með svona speki inn á milli laga um ástina og söknuðinn og svo var Óskar Pé að kalla hann upp og sagði að svo heppilega vildi til að umboðsmaður þorpsins þarna uppi væri staddur hér......hélt að salurinn myndi springa. S.s. frábær kvöldstund. Var komin heim rétt fyrir 10 og þá var mín stutta bara vakandi og vildi sko ekki fara að sofa en um leið og hún sá mömmuna lá við að augun lokuðust:) 

Fallegur dagur í dag, 12 stiga hiti og sól. Sveiflast mjög mikið hitastigið hérna þessa dagana. Brynja fór á hjóli í skólann þar sem það er einhver hjóladagur, var nú ekkert mjög kát með það því hún þarf yfirleitt alltaf að vera með tvær frekar þungar töskur en lét sig hafa það. Hún er svo að fara á Krókinn á laugardaginn á að vísu eftir að ná í pabba sinn en svona stefnir á það allavega og koma aftur á sunnudagskvöldið. Ekkert hitt þau síðan þau voru á Spáni þannig að það er kominn tími til, saknar systkina sinna mikið sem er eðlilegt og líka bara allra hinna á Króknum:)

Best að fara að lesa eitthvað í sálfræðinni áður en stubbur vaknar 

Sjúlli kveður í bili 

Hvað getur maður sagt

Jahérna meiri dagurinn hjá mér. Suma daga vildi ég að ég hefði bara verið í rúminu. En s.s. ég ákvað að fara og versla fyrir tónleikana hjá Óskari Pé og Eyþóri í kvöld, rauk í Bónus og fjárfesti í 8 kg af Machintosh og 3 kg af Nóa Síríus og ég hef aldrei keypt svona mikið nammi í einu og það sem meira er að ég má EKKI fá mér bita jahérna. En það var nú ekki aðalmálið. Á meðan biðu systur sætar og góðar úti í bíl svo þegar ég kom heldur montin með allt nammið þá startaði ekki bílfreturinn.

Eins og þeir sem vita sem þekkja mig er ég ekki sú þolinmóðasta né rólegasta þegar svona skeður, en Brynja var að verða of sein þangað sem hún var að fara þannig að hún hljóp en ég hringdi í kallinn minn fokvond eins og þetta væri bara allt honum að kenna Hann hringdi fyrir brjáluðu konuna í Óskar Pé sem kom kjellu til bjargar og keyrði hana heim. Einhver helvítis Altenator ónýtur og ekki ódýr viðgerð skýt á 100 þús svona ALLAVEGA. 

En Óskar var varla búinn að henda mér út þegar hann kom með bíl til að lána mér hann á nefnilega 3 bíla og ég fékk bara einn og svo fór hann í að bruna með bílinn á verkstæði eins gott að þekkja bifvélavirkja:)

Við Katla ætlum svo að rölta okkur fljótlega niður í Safnaðarheimili og hjálpa Jónínu hans Óskars að raða á borð og svoleiðis og svo tónleikar kl 8 húrra fyrir því

Sjúlli kveður alveg ónýtur 

Gott að eiga góða að:)

Vinur minn sem ég sinnti í heimahjúkrun er duglegur að senda mér tölvupóst með allskyns vitleysu, hann sendi mér þetta áðan og ég bara verð að miðla þessu til ykkar:::)

 

Hann sagði.....ÉG skil ekki afhverju þú ert í brjóstahaldara það er ekkert til að halda.

Hún svarar......ÞÚ ert í nærbuxum er það ekki? 

 

Hann spyr.....eigum við að skipta um stellingu í kvöld?

Hún svarar....Það er frábær hugmynd, þú stendur við strauborðið á meðan ég sit í sófanum

 

Hann spyr.....Hvað ertu búin að gera við alla matarpeningana sem ég lét þig fá?

Hún svarar...Snúðu þér á hlið og líttu í spegilinn.

 

Spurning: Afhverju eru giftar konur feitari en ógiftar?

Svar: Þegar þær ógiftu koma heim og sjá hvað er í ísskápnum....fara þær í rúmið,

þegar þær giftu koma heim og sjá hvað er í rúminu .....fara þær í ísskápinn... 

 

Já er ekki lífið yndislegt

Sjúlli kveður hóstandi

 

Því ekki það...

Dagur að kveldi kominn sem er ágætt, finnst kvöldin svo góður tími, sérstaklega þegar Katla er sofnuð og slappa bara af og gera ekkert, er reyndar frekar sjaldgæft að ég geri ekkert á kvöldin því yfirleitt bíður lærdómurinn eftir mér en s.s. í kvöld ætla ég ekkert að læra bara slappa af og gera ekkert.

Var að dunda mér við að setja myndir inn á barnaland en ég get engan veginn minnkað þær skil ekki afhverju, tók þær á Brynju vél þar sem mín er biluð en það á nú að virka nokkurn veginn eins, en allavega eins og er eru þær risastórar og hægt að sjá hverja hrukku í andlitinu á mér

Góður dagur búinn að vera, vöknuðum snemma eins og venjulega ég og litla lús eftir frekar svefnlitla nótt, síðan fórum við Brynja í ljós og þvældumst um og gerðum eiginlega ekkert vorum aðeins að kíkja í búðir og ég fór og keypti hjörtu og lifur og ég vissi ekki hvert mín dóttir ætlaði "hvort ég virkilega væri svona mikið kríp að ætla að borða innyfli" haha mér fannst það fyndið en hún tók það loforð af mér að ég myndi ekki reyna að plata þessum mat ofaní hana dulbúnum sem hakki eða einhverju slíku.þekkir greinilega mömmu sína vel.

Síðan fórum við heim og hún í sturtu og fórum svo öll familian á Nings og þar var hægt að fá svona fínan DDV rétt allt klárt fínn matur. Síðan fórum við mæðgur saman á kaffihús og skönnuðum búðir og mátuðum föt og keyptum okkur eyrnalokka og skyrtu á kallinn :) Fínt bara og gott að eiga smá stund með henni. Síðan er hún í afmæli hjá Öldu fótboltavinkonu sinni, gaman að því.

Sá mikið af flottum fötum sem ég stefni á að kaupa þegar ég verð lítil:::)

Merkilegt að hér í bæ er hvergi hægt að láta brýna hnífa í hakkavél, Hildur sys er með vélina mína og ætlaði að láta brýna þá í húsasmiðjunni frekar en byko og þar voru henni bara boðnir nýir hnífar til sölu, hvað er málið er þetta orðið einnota. Ætla sko ekki að kaupa mér alltaf nýja hnífa ca 1 á ári já nei takk frekar finn ég mér upp tækni til að gera þetta sjálf þvílíkur asnaskapur.

Óskar og Eyþór voru að klára að leggja drögin að tónleikunum sínum sem verða á fimmtudaginn í safnaðarheimili Akureyrarkirkju (allir að koma) og tók ég að mér að mynda guttana á morgun og kaupa síðan kaffi og með því þetta verður æði, fyrstu tónleikarnir verða ástar- og saknaðarsöngvar, kósý stemming, kertaljós, kaffi og konfekt. Hlakka til ætla að fara, Brynja ætlar að passa verður bara að koma í ljós hvernig litlan mín verður nú ég þýt þá bara heim ekki eins og ég sé langt frá:)

Best að fara og halda áfram að gera ekkert fá mér eitthvað gott í gogginn t.d. fyrst

Sjúlli kveður hæstánægður með lífið í dag:) 

Eigum við að ræða það eitthvað nánar....nei hélt ekki

Bara snilld þessir þættir á stöð 2 næturvaktin, þoli nú yfirleitt ekki Jón Gnarr en hann er alveg að brillera jájá sæll félagi.

Skil ekkert í mér það eru liðnir tveir dagar frá síðasta bloggi veit ekki hvað er í gangi á þessu heimili. Hef reyndar lítið gert undanfarna daga nema að hugsa um mat, lærdóm, og Kötluna sem er alveg á mörkum þess að fá tönn, mamman bíður spennt og er alltaf með teskeið á lofti til að berja í góminn,litlan ekkert mjög hrifin af mömmunni sem í tíma og ótíma lemur góminn haha. Kom svo með nýtt trix í dag til að ver viss lét hana bíta í tyggjóið mitt og kannaði svo hvort það væru tannaför hihi klikkuð kelling hér á ferð jaherna.

Ætlaði að þrífa hjá mér í dag nennti því ekki, ætlaði að fara og versla í dag nennti því ekki heldur, ætlaði að læra rosalega mikið nennti því ekki = ég er letingi og ætti að skammast mín Kannski ekki skrýtið þar sem maður verður latur af því að borða eins mikið og maður þarf að gera á þessum blessaða danska kúr hef aldrei átt í erfiðleikum með að borða en vá ég svona eiginlega kúgast í restina.

Borðaðu þig grannan er slagorðið og jú maður þarf að borða en "grannan" trúi ég nú ekki fyrr en ég sé það. Farin að halda að ég sé eitthvað að misskilja þetta og sé að borða eitthvað vitlaust en það kemur í ljós á þriðjudag í vigtun bara einn galli og hann er að mig langar svo í NAMMI en ég er svo viljasterk að það gerist ekki allavega ekki strax Svava er djössss dugnaðar forkur en hún eiginlega smitaði mig smá eitthvað svo smitandi þegar ég vissi að hún væri í þessu:) og ég ætla sko að verða eins dugleg og hún og hananú.... Húrra fyrir oss

Rölti mér til Sollu í gær í morgunkaffi ár og dagur síðan ég hef farið til hennar enda vantar mig allavega 10 klst í sólarhringinn finnst ég ekki hafa neinn tíma til annars en að læra, hugsa um heimilið, börnin, kallinn (þarf mikla umönnun:::) og svo auðvitað MAT. En samt er ég eitthvað svo löt og kem engu í verk...hætt að væla.

Fallegt veður búið að vera hér í dag og ekki enn komið þetta leiðinda veður sem átti að vera hér seinnipartinn kemur kannski bara ekkert Akureyri er svo veðursæll bær eða er það ekki? Hildur kom áðan ætlaði að fara að búa til hakk en þá voru hnífarnir í vélinni hjá henni bitlausir þannig að hún kom og fékk mína hakkavél en þeir voru bitlausir líka haha varð að salta þessar aðgerðir til morguns. Gott á hana.

Mæðgnadagur á morgun Ætlum að byrja á því að fara saman í ljós, ætlaði að panta í eitthvað svona dekur fyrir okkur ekki nudd heldur andlitssnyrtingu en þá vinna þær ekki á Arona eða Vitaliberata á laugardögum og við förum bara þangað. En ætlum svo á kaffihús að spjalla og fá okkur kaffi og með því eða hún fær sér með því ég fæ mér bara gulrót og kaffi Síðan ætlum við að kíkja í búðir og svo reyndar ætlar hún í afmæli þannig að bíóferðin okkar datt uppfyrir en við eigum hana bara inni þangað til seinna. Höfum ekkert getað gert svona síðan Katla fæddist en núna er Eyþór alveg í fríi á morgun og við ætlum að láta vaða gaman að því. 

Best að fara að gera eitthvað af viti hvað svo sem að það gæti verið

Sjúlli kveður alveg tómur ekki í maga þó. 

Danskur eða íslenskur

Kominn tími til að blogga smá, algjört kæruleysi í manni. Fínt að frétta héðan af munkanum, allir frekar kvefaðir reyndar, Brynja byrjaði og smitaði systur sína sem er gríðarlega viðkvæm sökum bakflæðisins svo er karlkvölin að fá kvefið og er frekar slappur en húsmóðirin s.s hún ég (ef einhver vissi ekki) stend eins og klettur. Er svo eitruð að kvef vill ekki einu sinni nálgast mig.

Búin að vera á hvolfi í náminu og þá meina ég hvolfi. Rétt náði að skila sálfræðiverkefninu á réttum tíma var mjög ánægð og grobbin fékk mér nammi og allt í tilefni af því, en fékk það svo tilbaka með orðsendingu að ég mætti nú alveg klára það, ég sauðurinn hafði bara svarað annarri spurningunni. Svona getur þetta verið. Er svo núna að rembast við að klára LOL og gera glósulista og svo á ég eftir að henda upp einni vefsíðu og ég veit ekki hvað og hvað brjálað að gera.....pjúff

Annars var sláturgerð um helgina og gerðum við úr 10 slátrum og fengum 28 keppi hvor familia, alveg eðal. Var hrikalega gaman að þessu og á ég eflaust eftir að setja inn einhverjar myndir við tækifæri. Borðuðum svo saman hér um kvöldið soðið slátur og hakkbuff alveg brillíant eins og hún Vala vinkona Matt segir. Katla sat hin glaðasta í hókus pókus stólnum sínum á meðan lifrarpylsan var hrærð og þegar mamman leit á hana var hún öll í sláturslettum en hamingjusöm engu að síður hahahaha...smá gusugangur.

Gerði nokkuð í dag sem ég hef ætlað að gera lengi en ekki haft mig í, búin að vera að hlaupa og boxa en aldrei getað tekið almennilega matarræðið hjá mér í gegn og lifi því voðalega mikið á nammi sem er auðvitað alls ekki hollt og festist bara á rassgatið og lærin á manni. En ég s.s. fór á fund hjá íslensku viktarráðgjöfunum s.s. danski kúrinn og leist vel á og skráði mig í hann og ætla að byrja á morgun. Þegar ég sá hvað ég var þung þá leið næstum yfir mig hélt ég væri léttari hahaha svona getur maður blekkt sjálfan sig. En s.s. svo maður opinberi þetta þá er prinsessan 108 kg hahaha grín ætla sko ekkert að segja hvað ég er þung ekki strax, kannski þegar ég sé hvort þetta virkar, hef nú aldrei verið feimin við að segja hvað ég er þung en ég hef heldur ekki verið of þung í mörg ár alltaf í kjörþyngd eða jafnvel undir þannig að.......

Elín systir datt hér inn í kvöld með skeinara sem Bjartur frændi minn er að selja fyrir útskriftarferðinni sinni og ég keypti 48 rúllur á 3000 kr heillast alltaf af skeinara kaupi hann alltaf merkilegt, gott að eiga nóg.

Hef svo sem ekki meira að tuða í bili er að drepast aftan í hálsinum eins og venjulega, vildi geta spólað til baka og komið í veg fyrir þennan andskotans árekstur um árið, damn en svona er lífið.

Sjúlli kveður farinn að æfa sig í dönsku, snakker du dansk min ven....