Sjálfstæðismenn tja eigum við eitthvað að ræða það

Hvað er ríkisstjórnin að spá í þessu einkavæðingarbrölti sínu. Verður þetta ekki bara til þess að þeir sem kúka peningum fá betri heilbrigðisþjónustu en við sem kúkum bara brúnum, ég held það og ég er ekki aðdáandi heilbrigðisráðherra. Ég er bara mjög hissa á öllum þessum breytingum sem mér finnst ekki til batnaðar held ég, skítalykt af þessu svei mér þá.

Svo ég haldi áfram að tuða, landsliðið OKKAR og þá meina ég stelpurnar búnar að vinna alla sína leiki og standa sig eins og sannar hetjur á meðan landslið kalla skítur upp á bak og hittir ekki á boltann alveg sama í hversu góð færi þeir komast þeir eru liggur við hylltir og talað um þá í hverjum íþróttafréttatíma þrátt fyrir að þeir hafi skitið upp á bak, en OKKAR landslið varla á það minnst. Horfði á fréttirnar eftir að þær unnu Portúgal og Margrét Lára skoraði það mark, stutt og snubbótt hikstandi frétt hjá stöð 2 en Rúv stendur sig reyndar ögn betur þeirra frétt var 5 sekúndum lengri en hjá stöð 2 s.s. 10 sekúndur sem var eytt í að ræða þann sigur og ekki var það skárra eftir að þær höfðu snýtt Finnum þar sem Rakel Hönnu (Þórsari sko) skoraði eitt mark:) Held að það sé kominn tími til að fara að taka eftir því að KONUR eru að standa sig vel í fótboltanum.

En nóg af suði, laugardagskvöld og ég er búin að vera ein heima í allan dag, Katla búin að vera að taka tennur með tilheyrandi pirringi og hendurnar á mér dottnar af við háls. Eyþór vinnur 29 klst á sólarhring tja sko ef hann gæti en lætur sér nægja 24 og sefur reyndar kannski 4 klst af því þannig að þið sjáið að ég er stórlega að ýkja. Skrapp aðeins til Hillu og co eftir hádegi aðeins til að létta á skapvonskunni, bæði hjá mér og barninu, skrapp svo til mútter seinnipartinn og þar varð Katla snar þannig að ég fór með hana heim enda hefði okkur ábyggilega annars verið hent út af FSA Fórum og keyptum okkur ís og rifumst alla leiðina þangað hún bablaði og ég tuðaði dýrlegar mæðgur, svo þegar upp var staðið vildi hún ekki ísinn sem annars var keyptur til að reyna að kæla þennan blessaða góm, ekki það að mamman getur alltaf étið og át ísfjandann með fílu Hitti líka Sollu Tr í þeirri ferð og ætla að kíkja á hana á handlækningu á morgun og fá heitasta slúðrið kætir mig vonandi.

Svo er ég að reyna að læra, komin í rassgat með eiginlega allt, næ að skila verkefnum á réttum tíma, svo byrja ég að reyna að lesa en hálfdotta yfir því og man ekki neitt sem ég hef lesið.  Ætla bara að hætta að tuða áður en ég spring í loft upp. Yrði mikið sem dytti til jarðar ef svo færi

Sjúlli kveður pissvondur

Brosum:)

Það var ung og falleg stúlka sem var svo niðurdregin og hrygg að hún ákvað að binda endi á þetta allt og fyrirfara sér með því að stökkva í höfnina. Hún stóð á hafnarbakkanum og þegar hún ætlaði að stökkva kemur til hennar ungur sjómaður og spurði hana hvers vegna hún væri að gráta. Hún sagðist ætla að fyrirfara sér. Honum fannst það synd og sagði við hana að hún hefði mikið að lifa fyrir. "Skipið mitt siglir til Ameríku á morgun, ef þú vilt skal ég lauma þér með. " Hann færði sig nær stúlkunni og tók utan um hana og hvíslaði að henni," ef þú verður góð við mig verð ég góður við þig".
"Já" sagði stúlkan "hverju hef ég að tapa? " Um nóttina laumaði hann henni um borð í skipið og faldi hana í einum björgunarbátnum. Hann færði henni annar slagið mat og drykk og í hvert skipti elskuðust þau heitt og innilega.
Þrem vikum seinna var skipstjórinn á venjulegri eftirlitsferð og fann hana í björgunarbátnum. Hann spurði hana hvað hún væri að gera þarna. Hún sagði honum eins og var að sjómaðurinn væri að lauma henni til Ameríku en í staðinn svæfi hún hjá honum. Þá sagði skipstjórinn:

"Þú hefur verið plötuð laglega núna, þetta er Herjólfur."

Sjúlli kveður á leið í lærdóminn

Drungi um drunga frá drunga til drunga!!!

Var heima í dag með litla krílið mitt, hún búin að vera ýlin líklega tönnslur að koma, ekkert viljað borða nema kalda gúrku og spænir hana í sig

Mamma veiktist á laugardagsmorgun og Hildur brunaði með hana upp á FSA kl 7.30, leit allt vel út en kom svo bakslag í nótt og er verið að bíða eftir rannsóknum núna. Við Katla heimsóttum hana í gærdag og var hún nokkuð spræk bara, Kötlu fannst voða gaman og þurfti að grandskoða rúmin enda heyrist sko vel í þeim þegar þau eru hrist

Í dag er verið að jarða fyrrverandi samstarfskonu mína , var fyrst að vinna með henni á Selinu og svo á Hlíð, endalaust sorglegt þegar fólk á besta aldri kveður þennan heim en svona er nú bara lífið. Finn til með öllu hennar fólki

Annars lítið að frétta, er frekar orkulaus eitthvað í dag, mikið að læra en ég er svona ca hálfnuð með verkefni um þarfir heilabilaðra. Hef endalausan áhuga á þessum sjúkdómi. Búin að vinna með mörgum Alzheimersjúklingum en hef í raun kannski aldrei vitað almennilega hvernig maður á að koma fram við þá og sinna þeim, finnst svolítið vanta upp á fræðslu um þennan sjúkdóm inni á stofnunum sem og á öðrum þeim stöðum þar sem þeim er sinnt. Mikið sem hægt er að gera til að láta þeim líða vel og halda reisn áfram þrátt fyrir þverrandi minni og skapgerðarbresti. Nóg um það.

Katla sefur núna, svo ég ætla að fara að læra smá, þarf svo að fara með stóra barnið mitt til læknis kl 17 þar sem munnurinn á henni er allur í rauðum flekkjum og tungan með mikilli skán, líklega bara sveppasýking hér á ferð en eins gott að fá eitthvað við henni þar sem hún er líka að fara út á föstudaginn:)

Minni á að við erum með eðallakkrís hér til sölu, 1 kg á 1000 kr til styrktar 3 fl kvk þór, fengum bara 15 kg þannig að hver fer að verða síðastur, mjúkur og ógeðslega góður er langt komin með 2 poka ekki ein samt

Sjúlli kveður fullur af visku 

??????

Komin snemma heim í dag bara, Eyþór þurfti að vera mættur í vinnuna þannig að ég kláraði bara mitt og fór svo heim. Katla sefur eins og steinn og þá að sjálfsögðu fer maður ekki að ryksuga eða eitthvað svoleiðis (þó svo að þess þurfti) nei maður fer í tölvuna og röflar

Mamman mín er lasin og ætlum við Katla að fara með hana á sjúkrahúsið kl 13.30 vonandi að þeir geri eitthvað fyrir hana, leggi hana kannski bara inn held að þess þurfi hreinlega. Vonandi bara að þetta gangi allt vel.

Ég er eitthvað voðalega krumpuð í dag svei mér þá, svaf samt eins og engill í nótt með smá rumski þar sem dóttirin litla er svolítið fyrirferðarmikil í rúmi, minnir mig hreinlega á Brynju sem ævinlega var með fæturnar upp í mér eða í eyrunum á mér eða eitthvað þegar hún var uppí á sínum yngri árum.

Katlan að vakna best að fara að koma henni inn.

Sjúlli kveður krumpaður sem aldrei fyrr

Bloggedí blogg

Sit hérna núna á neðri hæðinni og prenta út einhverja tugi eða hundruð blaðsíðna í náminu mínu. Ótrúlegt magn enda engar bækur í þessum áfanga:) Gaman að því, var að skoða heimasíðu Fjölbrautarskólans í Ármúla og þar eru bara böns af myndum af okkur staðlotugellum og líka dagskólagellum ef ykkur langar gríðarlega til að skoða það þá er það hér

http://fa.is

 En verðið að copy og paste bara í gluggann:)

Mikið að gera í vinnunni sem aldrei fyrr skal ég segja ykkur, fór í tja hverju á ég að ljúga fór í 6 vitjanir í morgun og þar af voru 3 böð en var samt búin á fínum tíma. Mikið álag núna í heimahjúkrun margir sem þurfa aukna aðstoð en til þess erum við einmitt.

Búin að fá að vita hvar ég verð í verknámi, ég verð á Víðihlíð hjá henni Hörpu KRistjáns sem er bara snilld, ætla að hringja í hana á morgun og fá að vita hvenær ég megi byrja vonandi bara sem fyrst eftir próf.

Brynja er á fullu að æfa fyrir árshátíð en þau ætla að setja á svið Emil í kattholti og eru miklar æfingar fyrir það, allir dagar nýttir núna enda fer að styttast í þessu. Barcelona eftir 8 daga hjá henni, farið að bera á smá spenning hjá henni annað væri nú skrýtið

Mamma kom og passaði Kötlu fyrir okkur í gær og gekk að sjálfsögðu svona líka ljómandi vel hjá þeim, Katla hin sperrtasta og amman líka, gott að gekk vel, efaðist svo sem ekkert um það en mömmur eru til að vera stressaðar.

Eyþór byrjaður að vinna á fullu og hefur tekið Kötlu aðeins með sér í vinnuna og það gengið líka fínt, Katla voðalega hrifin af Óskari Hafsteini og þau miklir vinir. Spurning hvort maður ráði hann sem aupair nei segi svona. 

Allir sprækir að öllu leyti, fer að styttast í að Rakel komi heim en hún er að spá í að koma í maí fyrr en venjulega. Greinilega gott að vera á Íslandi hef svo sem aldrei efast um það.

Best að hætta að tala um ekki neitt

Sjúlli kveður á leið í bjúgnaveislu:) 

 

9 mánaða fæðingarorlof og börnin sjálfala eftir það

ER að verða frekar þreytt á þessari þjónustu hjá símanum. Vorum familian búin að koma okkur fyrir og ætluðum að fara að horfa á Harry Potter nýjustu myndna en nei þá fraus allt draslið þegar nokkrar mínútur voru liðnar þoli ekki svona, einhver bilun hjá þeim var sagt þegar Eyþór hringdi, finnst það nú vera ansi oft. Þannig að við horfðum ekki meir á mr. Potter.

Ætluðum að fara á gönguskíði hjúin í dag en nenntum ekki þar sem við þurftum að gera svo margt annað, fórum á kaffihús og með Brynju að finna sér árshátíðarkjól sem hún fann, rosalega flottur. En árshátíðin er hjá henni daginn áður en hún fer til Spánar.

Fórum svo og fjárfestum í nýrri ryksugu þar sem sú gamla (sem var ekki gömul) dó. Hræðilegt að vera með ketti og enga ryksugu. Þarf alveg að ryksuga einu sinni á dag þannig að nú fer ástandið batnandi hér á bæ, var reyndar búin að ræna mömmu sugu en nú getur hún fengið hana aftur

Hef ekki verið dugleg að læra um helgina, ekki litið í bók og ég sem ætlaði sko að klára alla verkefnavinnu, verð að drullast í það á morgun að gera eitthvað, geri ekki mikið eftir að ég kem heim eftir vinnu nema þá helst á kvöldin. Var reyndar mjög dugleg á fimmtudaginn og kláraði 2 verkefni. En enn nokkur sem bíða og fullt til að lesa.

Eyþór er að fara að vinna á mánudag, ætlar reyndar að vera laus við þessa viku þar sem pössun er eitthvað ekki alveg á hreinu, vantar góða konu til að passa frá 10-13 veit einhver um konu? Eru 50 börn á biðlista hér á Akureyri eftir að komast að hjá dagmömmu og samt auglýsir bærinn "lífsins gæði". Finnst alltaf jafn fáránlegt að fæðingarorlof er 9 mánuðir s.s. 3 sem konan á, 3 sem maðurinn á og svo 3 sem annaðhvort má taka s.s. 9 mánuðir. En eftir það verður fólk að vera annaðhvort launalaust eða fara að vinna sem flestir bara þurfa að gera en hvað á að gera við börnin þegar leikskólar taka ekki svona ung börn og dagmömmur vantar. Fáránlegt kerfi. En svona er þetta nú bara, vantar svona ungbarnaleikskóla.

Hef ekkert að segja, ætla að fara að skríða upp í hjá litlunni minni henni Kötlu, Brynja er að fara að vinna kl 8 á Goðamóti brjálað að gera fyrir Spánarferð:)

Sjúlli kveður þreyttur 

Þessar elskur:)

Þegar konur eldast.
Grein eftir Hjört Jónsson

Það er mikilvægt fyrir karlmenn að muna, að eftir því sem konur eldast verður erfiðara fyrir þær að halda sömu gæðum í húsverkunum og þegar þær voru ungar. Þegar þú tekur eftir þessu, reyndu ekki að æpa á hana. Sumar konur eru ofurviðkvæmar, og það er ekkert verra til en ofurviðkvæm kona..

Ég heiti Hjörtur. Ég ætla að segja ykkur hvernig ég tókst á við þetta ástand varðandi konuna mína ? hana Hrönn. Þegar ég settist í helgan stein fyrir nokkrum árum, þurfti Hrönn auðvitað að fá sér heildagsvinnu meðfram hlutastarfinu, bæði til þess að auka tekjur heimilisins og halda sparnaði okkar hjóna gangandi. Fljótlega eftir að hún fór að vinna tók ég þó eftir að aldurinn fór að sjást á henni.

Ég kem venjulega heim úr golfi á sama tíma og hún kemur heim úr vinnunni.
Þó hún viti hvað ég er svangur, þá þarf hún næstum alltaf að hvíla sig í hálftíma áður en hún fer að elda matinn. Ég æpi þó ekki á hana. Í staðinn segi ég henni að taka þann tíma sem hún þarf og vekja mig bara þegar maturinn er kominn á borðið. Ég borða venjulega hádegismat í "Heiðursmannagrillinu" í klúbbhúsinu þannig að það er auðvitað ekkert á dagskránni að fara út að borða.

Áður fyrr var Hrönn vön að vaska upp um leið og við vorum búin að borða. Nú er hinsvegar ekkert óvenjulegt að það bíði jafnvel í nokkra tíma. Ég geri það sem ég get með því að minna hana á það á nærgætinn hátt að diskarnir þvoi sig ekki sjálfir. Ég veit að hún kann að meta þetta, þar sem það virðist hvetja hana til að klára uppvaskið áður en hún fer að sofa.

Annað einkenni öldrunar er kvörtunaráráttan held ég. Til dæmis heldur hún því fram að það sé erfitt að finna tíma til að greiða reikningana í matartímanum. En strákar, við lofuðum að standa með þeim í blíðu og stríðu, svo ég brosi bara og býð fram hvatningu. Ég segi henni bara að dreifa þessu á tvo til þrjá daga. Þannig þarf hún ekki að flýta sér eins mikið. Ég minni hana líka á að þótt hún missi af matartímanum af og til sé það allt í lagi ( þið vitið hvað ég meina ). Mér finnst reyndar nærgætni einn af mínum betri kostum.

Þegar hún vinnur einfaldari verkefni, virðist hún halda að hún þurfi fleiri hvíldarstundir. Hún varð til dæmis að taka pásu þegar hún var einungis hálfnuð með að slá blettinn. Ég reyni að vera ekki með uppistand. Ég er sanngjarn maður. Ég segi henni að útbúa sér stórt glas af nýpressuðum köldum appelsínusafa og setjast í smástund. Og þar sem hún er að gera þetta, bið ég hana að blanda einn fyrir mig í leiðinni.

Ég veit að væntanlega lít ég út eins og dýrlingur vegna þess hvernig ég styð hana Hrönn mína. Það er ekkert auðvelt að sýna svona mikla tillitssemi. Mörgum karlmönnum finnst það erfitt. Og mörgum finnst það alveg ómögulegt ! Það veit enginn betur en ég hversu pirrandi konur verða þegar þær eldast.

En strákar, ef þið hafið lært það af þessarri grein að vera nærgætnari og minna gagnrýnir á konurnar ykkar sem eru að eldast ? lít ég svo á að þetta hafi verið þess virði að setja á blað. Við megum ekki gleyma því að við fæddumst á þessa jörð til hjálpa hver öðrum.

Kveðja,

Hjörtur Jónsson

Athugasemd ritstjóra:

Hjörtur Jónsson lést skyndilega þann 27. maí sl. af blæðingum í endaþarmi.
Samkvæmt lögregluskýrslu fannst Calloway extra löng 50 tommu Big Bertha golfkylfa á kafi í rassgatinu á honum, þannig að aðeins stóðu tíu cm af handfanginu út, og við hliðina var sleggja.

Hrönn konan hans var handtekin og ákærð fyrir morðið. Kviðdómurinn sem eingöngu var skipaður konum var 15 mínútur að komast að niðurstöðu sem var
þessi: Við föllumst á það sem fram kemur í vörn Hrannar að Hjörtur hafi einhvern veginn, án þess að gera sér grein fyrir því, sest ofan á eigin golfkylfu.

Hann Andrés er sætur

Hérna er staðlotusjúllahópurinn minn ásamt kennara með hann Andrés brúðu sem þjáðist af einhverjum kvilla í skjaldkirtil. Kostulegur karakter þessi brúða, gleymdi reyndar mjög mikilvægu í sambandi við hann og það var að athuga hvort hann væri karl eða kona á neðri hæðinni Var búin að skanna hina tvo sem fengu þann heiður að vera sjúklingar hjá okkur og þeir voru báðir s.s. komnir úr kynskiptiaðgerð. Já svona er tæknin í dag. Stal þessari mynd frá henni Önnu Ruth þar sem maður var svo mikill sauður að taka ekki með sér myndavél í borg, Villa, Dags nei Villa nei Ólafs, pjúff er alveg rugluð í þessu

Er búin að vera að berjast við tölvuna í kvöld, skil ekki hvað hún getur verið vitlaus á köflum, ég er ekki vitlaus, neibb það er sko tölluskrattinn. Var að klára að koma glósum helgarinnar inn og svo á morgun ætla ég að hendast í að lesa LHF veldur mér höfuðverki bara tilhugsunin um það. En þetta verður maður jú að gera ætli maður sér að ná þessum prófum.

Búin að fá verknámspláss, endaði í Hlíð og er mjög sátt við það, koma tvær úr náminu og verða í heimahjúkrun, þær hrikalega heppnar, ekki sviknar af því allavega.

Er á leiðinni í rúmið eiginlega, komin með höfuðverk, eiginlega búin að vera hálf slöpp af þreytu bara í dag, tekur á að sitja í henglum í aftursætinu með ssvona stuttu millibili fram og tilbaka Reykjavík - Akureyri og svo sat maður auðvitað töluvert meira en maður er vanur og það getur greinilega verið þreytandi líka.

Helga Margrét og Óskar Snorri komu í smá pössun í dag, gekk eins og í sögu, voru hress og kát og náðum við Óskar Snorri að slást aðeins, kannski þessvegna sem honum lá svona á að komast heim, ég vann nefnilega haha.

Ætla að skríða í bælið, verð að vera rosalega dugleg á morgun, sakna lúmskt Sæmundínu og Andrésar en svona er lífið múhahah hversu mikill auli getur maður orðið, tja ég get nú bara orðið töluverður auli.

Sjúlli kveður með augun um allt 

Honey I am home

Komin úr staðbundnu lotunni úr borginni. Þetta var svo gaman, hitta allar sem maður sem hefur aldrei séð og kennarann auðvitað. Fann mig alveg í því að sitja á skólabekk. Stofan okkar er verknámsstofa og voru í henni allar græjur til að kenna okkur eitt og annað. Fengum kennslu í að sprauta, bæði í vöðva og með insúlíni. Setja upp þvaglegg og fleira. Við æfðum okkur í því að gefa hvor annarri gervi insúlín, og stungum alveg hægri vinstri. Anna fórnaði rasskinn í risanál allavega 20 cm langa sem Guðrún kennari stakk í rassinn á henni ÁTJS, ok ýki aðeins með lengdina en ekki mikið.

Þetta var frábær hópur sjúkraliða auk kennara og fyrirlesara sem voru þarna. Guðbjörg Páls sem kenndi okkur um sár og sáraumbúðir er frá Húsavík kveikti loksins á perunni yfir því, var lengi að spá í hver hún væri og ég fattaði svo að ég vann með henni eitt sumar á gömlu Húsavík. 

Var svo heppinn að skólinn var í göngufæri við sjúkraliðaíbúðina, var rúmar 10 mínútar að tölta þetta og var bara vel vöknuð þegar í skólann var komið.  

Vorum svo með þrjá fjallmyndarlega stráka/stelpur sumir voru í miðjum kynskiptiaðgerðum, voru enn með karlmannslúkk á andliti en svo með kvenmannsklobba. Já svona gengur þetta fyrir sig. En þeir s.s. leyfðu okkur að troða þvagleggjum í sig og stinga sig alveg eins og við vildum og múkkuðu ekki einu sinni, enda við með einsdæmum mjúkhentar Við lærðum ótrúlega mikið á stuttum tíma, vorum svo með dagskólakonum á fyrirlestri um sár og sáraumbúðir sem var mjög spennandi fyrirlestur. Reyndar var allt spennandi sem við lærðum hvað sem það var, helst svona sem mig langaði að sofna aðeins yfir voru hjúkrunarskráningarnar. En þetta er búið og það er voðalega gott að vera komin heim og fegnust var nú Katla litla að komast í bólið sitt.

Kvöldið áður en við fórum ældi Katla út um allt en það stóð stutt og var svo bara slöpp daginn eftir en við fórum um kl 3. Síðan á fimmtudagsnóttina byrjaði Eyþór að gubba eins og honum væri borgað fyrir það, þannig að ég svaf ekki mjög mikið, var sjálf agalega slæm eitthvað í maga en varð eiginlega ekkert úr því en var pínu þreytt í skólanum á föstudeginum enda sofnaði ég kl 19.30 um kvöldið og svaf til morgun

Jæja ætla ekki að hafa þetta lengra í bili, ætla að fara að leggjast til hvílu er ógeðslega þreytt

Sjúlli kveður yfir sig ánægð 

Tuðhæns sögunnar

Mætti halda að mér leiddist, en svo er nú ekki aldeilis, settist niður ætlaði heldur betur að læra en hvað, tja allavega er ég ekki að því í augnablikinu. Var farin að hlakka svo til að eiga frí á mánudag eftir skólaferðina suður, átti s.s. að eiga helgarvinnufrí, en haldiði ekki að Dísa deildó hafi hringt og tjáð mér að það yrðu námskeið mánudag frá 1-4 og þriðjudag frá 2-5 og svo einn dag í mars, já það er nú ekki eins og ég hafi neitt annað við tímann að gera. Svona er þetta veit ekki einu sinni almennilega um hvað þetta námskeið er en ég elska það óvænta eins og allir sem þekkja mig vita NOT.

Eyþór henti sér á efri hæðina  ásamt  sr. Óskari Hafsteini og dr. Pálmi og ætluðu þeir að leika við Pétur, veit ekki hvaða leikur það er en hugsa að það hafi átt að fá sér viskí já og jafnvel eins og einn vindil með haha nei segi svona. Hafa greinilega þurft að eiga smá strákakvöld greyin.

Búin að vera dugleg í ræktinni (alveg satt Lilja) ég er byrjuð að hlaupa og hjóp í síðustu viku 4 x og samtals hljóp ég 15,2 km.  Er með hlaupaáætlun  frá hlaup.is og það er ekkert smá gott að hafa svona plan hvernig eigi að gera hlutina. Er ekki byrjuð að taka matarræðið í gegn ætla fyrst að koma mér vel af stað í hlaupinu og Bubbi í botni á meðan það er snilld, helst utangarðsmenn

Jæja best að fara að sofa þar sem maður hefur ekki sofið neitt brjálæðislega mikið undanfarið sökum veikinda litla barnsins míns. Brynja er farin að sofa því hún ætlar sko að vera úthvíld fyrir U-16 leikinn á morgun.

Sjúlli kveður og glennir sig í kveðjuskyni