Bang!

Eyþór skrifar:

Það liggur nú við að manni sárni föst skot eiginkonunnar úr síðasta bloggi, sérstaklega þegar maður leggur það á sig að sætta sig við að sofa aðeins í 3 tíma og rífa sig svo framúr til að redda jóla- og áramótasteik fjölskyldunnar.  Vann við afar erfiðar aðstæður í dag, í gríðarlegum hita, en tókst auðvitað að bjarga jólunum og áramótunum með því að koma með jólamatinn heim.  Það þrátt fyrir að nýleg sjálfvirka vinnuvélin hafi bilað.

Jamm byssufjandinn klikkaði einu sinni enn.  Keypti þessa byssu fyrir rúmu ári síðan og hún hefur bara verið til vandræða.  Ég fór í illsku minni og skilaði henni í dag.  Ellingsen tók mjög vel á málinu og ég fæ mun betri og traustari byssu fyrir litla milligjöf.

Tvíhleypan mín góða bjargaði mér í dag.  Tók hana með til öryggis.  Ég er samt að hugsa um að losa mig við hana, þar sem ég nota hana lítið.  Þessi gamli góði ítalski eðalgripur fæst á góðu verði. Gerðin er SGS, Y/U tvíhleypa með 27 1/2" hlaupum og tveimur gikkjum.  Skiptanlegar þrengingar, 3 fylgja

Nýlega yfirfarin af byssusmið.

 

 

Athugasemdir

[Lilja Hrund (IP-tala skráð) 6.9.2007 kl. 19:29]

Hey þið öll...

Nei ég ætla ekki að fara að tjá mig um þessi vopnamál...og ég ætla alls ekki að bjóða í þessa byssu..:)

Langaði bara að segja ykkur að ég var að skoða fermingamyndirnar og þið eigið alveg gullfallegar dætur*

[Sigurður Hreiðar, 7.9.2007 kl. 08:02]

Allt í lag meðan þið hjóninn heyið skotbardaga aðeins á netinu …

Kveðja í bæinn

[Sigurður Hreiðar, 7.9.2007 kl. 08:02]

Hmm -- þarna kom einu n-i of margt. Ætli mitt skotvopn sé bilað?