Danskur eða íslenskur

Kominn tími til að blogga smá, algjört kæruleysi í manni. Fínt að frétta héðan af munkanum, allir frekar kvefaðir reyndar, Brynja byrjaði og smitaði systur sína sem er gríðarlega viðkvæm sökum bakflæðisins svo er karlkvölin að fá kvefið og er frekar slappur en húsmóðirin s.s hún ég (ef einhver vissi ekki) stend eins og klettur. Er svo eitruð að kvef vill ekki einu sinni nálgast mig.

Búin að vera á hvolfi í náminu og þá meina ég hvolfi. Rétt náði að skila sálfræðiverkefninu á réttum tíma var mjög ánægð og grobbin fékk mér nammi og allt í tilefni af því, en fékk það svo tilbaka með orðsendingu að ég mætti nú alveg klára það, ég sauðurinn hafði bara svarað annarri spurningunni. Svona getur þetta verið. Er svo núna að rembast við að klára LOL og gera glósulista og svo á ég eftir að henda upp einni vefsíðu og ég veit ekki hvað og hvað brjálað að gera.....pjúff

Annars var sláturgerð um helgina og gerðum við úr 10 slátrum og fengum 28 keppi hvor familia, alveg eðal. Var hrikalega gaman að þessu og á ég eflaust eftir að setja inn einhverjar myndir við tækifæri. Borðuðum svo saman hér um kvöldið soðið slátur og hakkbuff alveg brillíant eins og hún Vala vinkona Matt segir. Katla sat hin glaðasta í hókus pókus stólnum sínum á meðan lifrarpylsan var hrærð og þegar mamman leit á hana var hún öll í sláturslettum en hamingjusöm engu að síður hahahaha...smá gusugangur.

Gerði nokkuð í dag sem ég hef ætlað að gera lengi en ekki haft mig í, búin að vera að hlaupa og boxa en aldrei getað tekið almennilega matarræðið hjá mér í gegn og lifi því voðalega mikið á nammi sem er auðvitað alls ekki hollt og festist bara á rassgatið og lærin á manni. En ég s.s. fór á fund hjá íslensku viktarráðgjöfunum s.s. danski kúrinn og leist vel á og skráði mig í hann og ætla að byrja á morgun. Þegar ég sá hvað ég var þung þá leið næstum yfir mig hélt ég væri léttari hahaha svona getur maður blekkt sjálfan sig. En s.s. svo maður opinberi þetta þá er prinsessan 108 kg hahaha grín ætla sko ekkert að segja hvað ég er þung ekki strax, kannski þegar ég sé hvort þetta virkar, hef nú aldrei verið feimin við að segja hvað ég er þung en ég hef heldur ekki verið of þung í mörg ár alltaf í kjörþyngd eða jafnvel undir þannig að.......

Elín systir datt hér inn í kvöld með skeinara sem Bjartur frændi minn er að selja fyrir útskriftarferðinni sinni og ég keypti 48 rúllur á 3000 kr heillast alltaf af skeinara kaupi hann alltaf merkilegt, gott að eiga nóg.

Hef svo sem ekki meira að tuða í bili er að drepast aftan í hálsinum eins og venjulega, vildi geta spólað til baka og komið í veg fyrir þennan andskotans árekstur um árið, damn en svona er lífið.

Sjúlli kveður farinn að æfa sig í dönsku, snakker du dansk min ven.... 

Athugasemdir

[Anna Ruth Antonsdóttir, 3.10.2007 kl. 13:57]

Ég sé að það er nóg að gera hjá þér.... áttir bara eftir að fara í viktunarkúrinn.. ha..ha.... dugleg ertu.. það er átak að taka sig í gegn í mataræðinu....sumum veitti ekki af.... ( mér )....er alveg að fara að taka mig á í mataræðinu og hreyfingu... ( segir sú lata )..jæja best að nota þennan dag í lærdóminn... er að byrja vinnu-törn á morgun...Gangi þér vel í öllu sem þú ert að gera.... og líka dönskunni kv Anna Ruth

[Þórunn Óttarsdóttir, 4.10.2007 kl. 10:57]

hæ erna þú ert nú ekkert smá dugleg að taka slátur ofan í allt hitt, hef ekki tekið slátur sjálf í 10 ár eða þar um bil en hver veit maður á það kannski eftir, svona seinna þegar hægist aðeins um. ég sá að þú hafðir komið til mín í morgun"kaffi" og jú ég dreif mig í þýskuna, er búin að vera á leiðinni í það lengi svo drífur maður sig bara í eitthvað meira þegar þetta er búið.

    venlig hilsen muszka 

[Lára Bryndís Eggertsdóttir, 4.10.2007 kl. 15:36]

Stundum hef ég á tilfinningunni að þú sért jafnvel ruglaðri en ég...   En hvernig virkar annars danski kúrinn? Má maður þá ekki borða neitt nema maður kunni að segja það á dönsku?  Nu skal jeg spise leverpölse t.d....

[Ernan (IP-tala skráð) 4.10.2007 kl. 19:22]

Haha góður Lára:)Hef aldrei á ævi minni þurft að borða eins mikið og núna hef yfirleitt ekki lyst en maður verður að klára af diskinum sínum, verð hissa ef ég léttist eitthvað en sjáum til að viku :::)

[Svava Hrund Friðriksdóttir, 4.10.2007 kl. 20:17]

haha ég skal lofa þér að þú léttist eeeeeeeeeeefffffu svindalr ekki daddarrarrrddddarrraddarrdddrrarddrrarrrrrrrraaaaaaaaaaaaaaaa :)

[Ernan (IP-tala skráð) 4.10.2007 kl. 22:56]

Ég er búin að standa mig ógeðslega vel Svava þessa tvo daga, ekkert svindlað, borðað allt og lagðist meira að segja svo lágt til að klára fituskammtinn að drekka olíuna, já svona er þetta geðveikt dugleg, langar samt í nammi og dreymir um það en fyrst ég gat hætt að reykja þá get ég þetta íha og svo bara hlaupum við ef okkur langar í óholllt.....jebb jebb verð horfin í næstu viktun:)

[Svava Hrund Friðriksdóttir, 4.10.2007 kl. 23:52]

já frábært ég einmitt lendi stundum í því að þurfa að þamba olíu á kvöldinn ótrúlega góð í að gleyma fitunni en hún þarf að vera með og svo mætum við bara í viktun á þriðjudagin jahú og vonandi eitthvað léttari;)