Frábær ákvörðun Akureyrarbæjar

Þeir sem í fyrsta lagi búa ekki hér á Akureyri ættu held ég að byrja á því að kynna sér málið áður en þeir fara að æsa sig yfir þessu öllu saman. Í fréttum undanfarið er búið að tala við þá sem græða á þessari hátíð hér á Akureyri og eðlilega eru þeir fúlir en afhverju er ekki talað við hina almennu íbúa Akureyrar og sjá hvort þeir eru ekki ánægðir. Breytir kannski ekki miklu fyrir þá sem búa í hinum enda bæjarins en ekki í nálægð við miðbæinn eða renneríið sem skapast niður brekkuna. 

Við höfum síðustu sumur orðið fyrir því að það sé stolið úr garðinum hjá okkur og líka að fólk hafi verið að gera þarfir sínar í garðinum líka. Þetta er ein af þeim ástæðum sem ég vil sjá þessa hátíð í þeirri mynd sem hún einmitt er þessa helgi. Við hjónin lögðumst til svefns á föstudagskvöldið og bjuggum okkur undir það að sofa nákvæmlega ekkert því það hefur jú verið venjan síðustu ár en við vöknuðum svona endurnærð um morguninn og ekki orðið var við neitt, rétt rumskað einu sinni við að einhverjir gaurar voru að labba heim sem er bara eins og venjulega um helgar að sumri.  

Það er talað um þessa ákvörðun eins og þetta sé einhver rasismi en þetta er bara common sense enda hefur held ég hvergi í fjölmiðlum heyrst frá þessum aldurshópi eða þeir eitthvað verið að tja sig um að þeir séu ósáttir. 

Ég segi bara að loksins er þetta að verða eins og fjölskylduhátíð sem þetta á að vera því þannig er það auglýst en ekki hátíð þar sem við horfum á unglinga allt niður í 13 ára aldur dauðadrukkna eins og hefur komið fyrir undanfarin ár. Þetta er held ég léttir fyrir alla lögregluna, bæjarbúa og þegar upp er staðið alla. 

Menn hljóta að geta fundið aðrar gróðaleiðir en dauðadrukkna unglinga því jú það hlýtur að vera að mesti gróðinn komi af þeim miðað við hvernig er látið.....

Sjúlli kveður sáttur við lífið og tilveruna 

Meirihluti bæjarstjórnar gegn takmörkunum á tjaldsvæðum

Athugasemdir

[Bergur Thorberg, 5.8.2007 kl. 09:51]

Sælar elskurnar mínar,

Sjálfur bý ég í miðborg Reykjavíkur og hef gengið í gegnum ýmislegt hvað hávaða og skrilslæti varðar. En að það séu eingöngu unglingar!!!!! á aldrinum 18- 23 sem því valda er fjarstæðukennt. 13 ára blindfullur unglingur er allt annað mál og kannski ætti að beina spjótunum að foreldrum þess unglings, því oftar en ekki liggur vandamálið í foreldrahúsum en ekki hjá unglingnum sjálfum. Ef unglingur er tekinn fullur eða dópaður á útihátíð ætti umsvifalaust að setja foreldra hans í bann á öllum útihátíðum landsins. Sjálfur hef ég upplifað það, að það er fullorðna fólkið sem veldur mestu vandræðunum þegar áfengi er í spilinu. og eftir stendur að fólk á aldrinum 18-23 ára er hluti af fullorðna fólkinu en alls ekki unglingar.

Bestu kveðjur 

[Bergur Thorberg, 5.8.2007 kl. 10:02]

Ps. Það fylgir sögunni að dóttir mín 18 ára sem notar ekki vímuefni, drekkur ekki og reykir ekki, fór með kærastanum sínum til Akureyrar um helgina en hann er 25 ára og notar ekkert af fyrrtöldum efnum heldur. Hvers eiga þau að gjalda?

kv. 

[Móðir, kona, sporðdreki:), 5.8.2007 kl. 10:24]

Leiðinlegt þeirra vegna alltsvo dóttur þinnar og kærastans hennar. En það breytir því nú ekki að undanfarin ár sem ég hef búið hér þá eru það unglingar sem eru að gera stykkin sín í garðinn minn og það eru unglingar sem eru að stela úr garðinum hjá mér. Veit ekkert hvernig það er í miðborg Reykjavíkur en finnst það gott mál ef fólk vill búa þar. Eflaust er vandamálið hjá foreldrum en þegar 18 ára aldri er náð þá telst unglingurinn vera orðinn sjálfráða þannig að þá er nú ekki við neinn að sakast nema hann sjálfan. En í þessu tilfelli þá ætla ég bara að hugsa um minn hag og finnst þetta frábær ákvörðun. Einhverra hluta vegna var þessi helgi róleg og afhverju skildi maður þá ekki halda að það væri vegna þess að þessum aldurshópi var vísað frá........En auðvitað hefði kannski mátt hafa tjaldsvæði fyrir þennan aldurshóp einhversstaðar en allavega ekki á sömu stöðum og var....líklega vandmeðfarið mál en ég gleðst:)

[Helgi Már Barðason, 5.8.2007 kl. 10:54]

Hjartanlega sammála, Erna og Eyþór.