Hetjurnar

Vá hvað það eru margar hetjur til í þessum heimi okkar og þá er ég ekki að meina svona feik hetjur eins og mig sem er með hetja sem mail heldur hetjur sem berjast við illvíga sjúkdóma og trúa því svo innilega fram á síðustu stundu að það komi til eitthvað kraftaverk sem veldur því að þau lifa.

Hún lést í dag Ásta Lovísa sem var kosin kona ársins af tímaritinu Ísafold ótrúleg manneskja. Banameinið var krabbamein. Ótrúlegt að læknavísindin skuli enn ekki vera  búin að finna neitt upp við þessu helvíti því ef eitthvað helvíti er til þá held ég að það sé þessi sjúkdómur. Hef fylgst svolítið með blogginu hennar og las síðast í gær nokkur blogg aftur í tímann og ég hágrét allan tímann. Afhverju lærir maður ekki af svona eða gerir maður það kannski. Lærir maður að meta lífið meira eftir að lesa svona? Ég held það að allavega ætti maður að taka sig í smá naflaskoðun og sjá hvað maður hefur það gott í raun, maður LIFIR nokkuð sem þessi kona t.d fékk ekki og þurfti að yfirgefa 3 lítil börn. Blessuð sé minning Ástu Lovísu...

Ég hef aldrei misst neinn nákominn mér hvorki af slysförum né úr langvinnum sjúkdómi sem betur fer, hlýt að teljast ofsalega heppin því mér sýnist þetta vera spurning alltaf bara hver er næstur og maður veit aldrei hver verður næstur. Held við ættum að hætta að taka fólki sem sjálfsögðu og muna líka eftir þvi að segja fólki að okkur þyki vænt um það 

Best að hætta áður en fólk sem þekkir mig heldur að ég sé að verða skrýtin en það kostar ekkert að pæla í þessu aðeins og auðvitað á ekki að þurfa andlát til að við gerum það....það kostar svo lítið að brosa en gæti fengið einhverjum til að líða svo mikið betur.

Sjúlli kveður mjög þenkjandi  

 

Fermingin

Þriðja skiptið sem ég byrja á bloggi varðandi ferminguna Litlan mín hefur alltaf þurft athygli þegar ég er rétt að byrja en svona er þetta og spurning hvort þetta hafist núna.

Brynja var svo falleg og flott á fermingardaginn og stóð sig algerlega eins og hetja. Tókum daginn snemma þar sem hún átti að vera mætt í greiðslu og förðun kl 7:45. Kirkjuathöfnin var 1 og korter og hefði ekkert mátt vera lengra. Voru rúmlega 500 manns í kirkjunni þannig að það var þétt setið. Katla svaf eiginlega alla athöfnina og var alveg eins og stjarna. Fórum svo í það fljótlega að skreyta salinn í Víðilundi en Kristín, Unnur og Ragna sáu að mestu um það ég hringlaði eitthvað þarna inn á milli. Enda Kristín alvön að henda upp veislum

Veislan var rosalega fín, góður matur, frábært fólk, fallegt fermingarbarn, yndisleg fjölskylda og bara allt hreinlega fullkomið. Þegar flestir voru farnir þá hjálpuðumst við að þrífa, ss. Unnur, Alli, Ragna, MAggi, Didda, Brynja, Eyþór, Ég, Kristín og Siggi og gekk það mjög hratt og vel fyrir sig. Settumst síðan niður á meðan fermingabarnið opnaði gjafirnar og fékk hún sko þvílíkt fallegar gjafir. Hún fékk í pening 278 þús, 5 hálsmen, 3 hringi, eina eyrnalokka, ökklaband, fótsnyrtingu, spámanninn (bók), hárblásara, bók, snyrtivörur, myndavél frá Rögnu, Magga og Jönu, rúm frá pabba sínum og Kristínu, fartölvu frá mér og Eyþóri, heppin stelpa og átti þetta allt alveg skilið enda falleg og góð.

Finnst nú nett skrýtið að vera búin að ferma hana, finnst ekkert ofsalega langt síðan ég var með hana eins og Kötlu svona litla, en sem betur fer virðist okkur hafa heppnast vel með hana og gengur henni vel alveg sama hvað hún tekur sér fyrir hendur. Ohhh er svo stolt mamma.

Maturinn var rosalega góður en það var grillaður lamb, grilluð lúða og grillaður kjúlli  með tilheyrnandi meðlæti frá Greifanum, svo á eftir var fermingarterta, kransakaka, rice crispies kaka og snittur sem Siggi og Kristín komu með....

 Verð að hætta Katla farin að veina.....meira síðar en allavega var dagurinn æðislegur og ég set inn myndir við fyrsta tækifæri.

Sjúlli kveður stoltur af stelpunni sinni 

Tralal

Allt að gerast skal ég segja ykkur. Sitjum hérna hjónin alveg saliróleg og pikkum á okkar fartölvur eins og óð séum. Allt klárt fyrir ferminguna, við Brynja vorum að koma frá því að raða borðum í salnum og fara með ýmislegt dót þangað. Mamman búin í nöglum ægileg djösssss budda.....get varla skeint barninu er svo fín 

Skrapp til Hildar seinnipartinn var svo heppin að lenda í grilli, pabbi var þar líka. Að vísu hringdi húsvörðurinn í Víðilundi í mig þegar ég ætlaði að fara að borða og sagðist vera með lyklana yrði í um 15 mínútur enn í Víðilundi ég reif í mig eins og villisvín og sótti Brynju en hún var í fermingarveislu hjá kærastanum.

Sendi tengdasyni mínum og fjölskyldu skeyti í dag en fattaði áðan að ég sendi það á vitlaust heimilisfang haha að vísu bara 7 hús á milli þannig að það kemst vonandi til skila.

Setti saman rice crispies kökuna áðan og grýtti inn í skáp æði skreytti hana með fánum hrollvekjandi ekki fallegt hjá mér.

Var virkilega farin að trúa því að ég yrði að fara í fermingu dóttur minnar á Evu klæðum og var farin að finna til með fólki, fór í Centro í morgun og Brynja með mér held ég hafi verið MJÖG leiðinleg mamma, kvartaði kveinaði og hreytti. Fór í haggarann fann eitt svart og blátt tjald þar og sokkabuxur, keypti tvær til öryggis ef ske kynni að ég myndi springa, fór líka í Gallerí og fann goltreyju, afhverju heitir þetta goltreyja spyr sá sem ekki veit. Þannig að ég bjargaði heilli kirkju frá glötun eiginlega

Brynja er ekki stressaðri en svo að hún hentist í bíó kl 22 en þá var uppselt og þá var bara farið heim til vinar að spila...ætlar að koma heim um 12 jájá ekki stressi þar fyrir að fara, kvíðir fyrir að sitja í kirkju svona lengi, skil hana vel veit að ég verð orðin þreytt.

Katla búin að vera í stuði í dag.......sefur núna

Ég er að fyllast af hor, vona að það verði farið á morgun.

Sjúlli kveður "horaður" hihih

Wanted!

Þeim sem þekkja þessa manneskju er bent á að hafa samband við Lögreglustjóraembættið í Kelduhverfi.  Síminn: tvær langar og tvær stuttar.

 

Meistari hvað!!!!!

Sá mig knúna til að blogga þrátt fyrir að hafa gert það áðan. Meistarinn er í sjónvarpinu og kem ég hreinlega aldrei til með að skilja afhverju Eyþór er ekki hreinlega í þessum þáttum þar sem hann bara VEIT allt, án gríns og ekki bara að hans eigin áliti. Ætla að skrá hann næst engin spurning heldur engin spurning að þá verðum við 5 millum ríkari.

X við Eyþór í meistarann næsta vetur ójá...

Sjúlli kveður farinn að kaupa fyrir 5 millurnar 

Hvar er sumarið

Auglýsi hér með eftir sumrinu, er nú ekki alveg sátt ég meina það er kominn 24 maí og það var snjókoma í morgun öllu má nú ofgera sko. Hef ekki þorað út úr húsi í dag vegna veðurs bara verið heima og hugsað um hvernig tjald ég eigi að kaupa utan um mig fyrir ferminguna...já ég sagði tjald, verst að seglagerðinÆgir sé ekki hér til heimilis....damn.

Búin núna að ÖLLU nema finna föt á mig pæliði í því, ég verð þessi nakta í kirkjunni með júllurnar niður á tær ásamt huppunum. Ok ég fer ekkert framhjá neinum þarf engar lýsingar. 

Var að klára að drekka eðal cappucino úr nýju vélinni minni og er hann alveg þrælgóður, Eyþór er með stúlkakórsæfingu hef ekkert séð hann nema hann rétt skaust heim til að taka á móti nýja stóra rúminu hennar Brynju en svo var hann rokinn aftur ójá kem ekki til með að sjá hann af neinu viti fyrr en 10 júní og þá leggst hann í rúmið í einhverjar vikur þannig að ja um miðjan júlí skulum við segja.

Svona er nú lífið bara ekkert hægt að gera við því, Brynja kláraði síðasta prófið sitt í Brekkuskóla í morgun og ef ég þekki hana rétt þá fær hún fínar einkunnir ekki vön öðru svo dugleg þessi elska, Þula vinkona hennar kom svo til hennar og voru þær boðnar upp í Brekkuskóla í pizzaveislu en þeir krakkar sem voru með fæstu punktana alltsvo hegðunar og mætingarpunkta var boðið, hefur þetta nú frá mömmunni Fóru síðan í sund og á Subway og hún var varla komin þaðan þegar hún hjólaði út í þorp til að horfa á einhvern fótboltaleik, bissi krakki.....

Fannst nú ekkert smá fyndið þegar ég fattaði hver væri aðstoðarskólastjóri í Glerárskóla en það er enginn annar en gamli skólastjórinn minn úr Lundarskóla í Öxarfirði hann HAlldór Gunnarsson. Okkur samdi aldrei mjög vel og sagði hann mér oft að það kæmi nú aldrei til með að verða neitt úr mér...haha....var villingur, vona að hann fatti ekki hver er móðir Brynju Daggar þessa afburðanemanda með topp einkunn í hegðun *hóst* hefur það ekki frá mömmunni...haha var nefnilega frekar erfið í gagganum og var vísað úr skóla og ég strauk líka og makaði súkkulaði í brækur eins kennarans míns það var reyndar fyndið leit nefnilega út eins og já ekki meira um það...ég var villingur þar með er það ljóst

Allir voða spenntir varðandi fermingu, var að tala við Sigurpál hann sér um myndatöku, Kristín, Ragna og Unnur ætla að koma í að dekka upp borðin með okkur, Eyþór sækir kökurnar í bakaríið eftir að hann er búinn að spila í fermingunni þetta verður bara snilld.

Farin að faðma Kötlu

Sjúlli kveður allsber 

Gangbrautir hvað er málið?

Eitt sem ég hef pirrað mig á í mörg ár er virðing ökumanna fyrir gangbrautum. Merkilegt nokk en það er meirihluti ökumanna sem virðir ekki gangbrautir. Hef verið mikið á hjóli hér á Akureyri og hef mátt þakka fyrir að lenda ekki margsinnis í maski upp á slysó vegna einhvers sem heldur að hann sé yfir hjólreiðamenn hafinn og ætlar að valta yfir þá. Ég sjálf persónulega virði ALLTAF gangbrautir nema í þeim tilfellum þegar það eru tvær akreinar í sömu átt því þá er það oft að ef ég stoppa að bíllinn á næstu akrein heldur áfram og virðir ekki gangbrautina sem að sjálfsögðu getur valdið slysi.

Var í morgun að labba með Rollsinn og þurfi á leið minni að fara 6 sinnum yfir gangbraut af þessum 6 skiptum stoppuðu bílar ekki í 3 skipti og í 3 skipti var enginn bíll.....í eitt skiptið var ég komin út á gangbrautina þegar bílskrattinn kom og sveigði framhjá mér. Ég meina það hvað halda bílstjórar að þessar merkingar þýði alltsvo strikin yfir götuna, get orðið svo reið yfir þessu. Svo ég tali nú ekki um þegar bílstjórar  sjá börn bíða eftir að komast yfir en stoppa ekki, tilhvers er verið að kenna börnum umferðareglurnar, þyrfti held ég að taka mun harðar á þessum hluta umferðalaganna.

Vildi  að ég væri lögga myndi sko taka á þessu, langaði alltaf að verða lögga, reyndar út af búningnum hélt ég myndi líta vel út i honum Alltaf verið svag fyrir búningum vildi að sjúllabúningarnir væru flottari...

Annars er dagurinn búinn að vera fínn, rölti mér s.s. til Hildar í morgun og tilbaka, hitti Erlu mágkonu og Lilju þar, fórum við Brynja svo að versla í kransakökuna sem Harpa ætlar að gera og skutluðum til hennar og síðan komu mæðgur, Lilja og Erla í kaffi voru á leið austur aftur. Alltaf gaman að sjá ættingjana, sé þær aftur um helgina í fermingu.

Allir voða spenntir yfir að vita hverjir fái ráðherrastól, Steingrímur fær engan sem mér finnst rosalega vitlaust, hann átti að verða umhverfisráðherrahipp húrra fyrir því. Katrín menntamálaráðherra, ég var búin að ákveða þetta allt saman, finnst þetta hálf skítleg ríkisstjórn, óttalegt prump að samfylking skuli vera svona vitlaus, á ekki til orð get samt ekki hætt að skrifa um þetta.....afhverju er ég ekki forsætisráðherra þá væri nú Ísland heldur betur í góðum málum og grænum....hahahaha þarna þið sjálfstæðispungar....

Hef í raun ekkert vit á stjórnmálum, bara að reyna að þykjast hafa eitthvað vit á þeim, veit bara að ég vil hafa landið mitt grænt en ekki grátt þannig er það nú....

Katla er að verða búin að sjúga túttuna út í gegnum hnakkann sýgur hana svo fast best að fara að skella út júllum, þegar litla skinnið lítur á mig sér hún bara tvær nýmjólkurfernur haha bláar og flottar....jájjá svona er þetta, fyndið samt hún kann varla á túttu hahaha litla skinnið....

Sjúlli kveður svalur sem aldrei fyrr 

Síðasta einkunn

Dásamlegt búin loksins að fá síðustu einkunnina í hús og var það eins og ein 10:) Gekk nokkuð vel í prófunum miðað við aðstæður til lestrar en ég var með 6,7,9,10 alveg ágætt bara náði allavega öllu og var það takmarkið:)

Búin að vera eins og skopparakringla í dag að dundast í undirbúningi, hætti við að kaupa fermingartertuna í Bakaríinu við Brúnna, munaði næstum helmingi á því og Kristjáns og svo varð ég s.s. að sækja tertuna í Bakaríið við Brúnna daginn fyrir fermingu þar sem það var lokað en hjá Kristjáns sæki ég terturnar kl 14 á fermingardaginn og munar það öllu.

Brynja fór líka í prufugreiðslu í dag og ég get nú ekki annað sagt en hárið verður geðveikislega flott, fórum svo og keyptum skraut í hárið líka og þá er allt klárt. Bara eftir að staðfesta myndatökuna, Harpa vinkona Hildar ætlar að græja svona kransaköku bara úr rice crispies fyrir börnin og þarf ég að fara og kaupa í það á morgun. Þarf lika að fara að finna föt á hlunkinn mig sem elskar að borða nammi og ætti að skammast mín niður í görn og hananú.

Katla búin að vera þvílíkt fyndin síðustu tvö daga hefur nú ekki langt að sækja það :) Hjalar og hlær á milli þess sem hún sefur eða bara gónir út í loftið.

Brynja er á fullu núna í prófum og ef ég þekki hana rétt þá gengur henni alveg snilldarvel:) Dugleg stelpa sem ég á. 

Eyþór þarf að spila í fermingu stjúpdóttur sinnar hvað er í gangi, er með aðstoðarmann sem er upptekinn við að spila annarsstaðar halló annaðhvort er maður í vinnu eða bara sleppir því. Óþolandi sá nú alveg fyrir mér að ég fengi að hafa kallinn við hliðina á mér þarna, því í flestu sem við höfum farið í svona hefur hann verið að spila, nema auðvitað brúðkaupinu okkar sem ég reyndar er svolítið hissa á.....yrði nú eitthvað sagt ef ég gæti ekki verið í kirkjunni þegar stjúpdóttir mín yrði fermd einhverjir myndu þá hneykslast efast ekki um það ÓÞOLANDI..... Svona er þetta, að vera gift organista.....

Fór í kaffi til mömmu í  dag á meðan Brynja var á æfingu og var  það fínt bara, fékk kaffi og með því:)

Heyrði aðeins í pabba í gær og er hann spenntur að koma í fermingu búinn að gefa Brynju fermingargjöf en ég má nottlega ekki segja hvað það er:) KEmur bara í ljós, er að velta vöngum yfir því hvað ég á að láta Kötlu gefa systur sinni og hef enn ekki fundið neitt kemur að því. Verður frá þeim báðum Rakel og henni.

Best að fara að sofa og ná einhverjum svefni af viti'

Sjúlli kveður ekki alveg sáttur núna þennan daginn 

London, París, NY, Róm já eða bara Munkó

Datt allt í einu í hug lag og er textinn eitthvað á þessa leið "aleinn og yfirgefinn ég arka æviveginn ó hvað ég vildi .....í örmum þínum" kannast einhver við þetta. Man að ég fékk lánaða plötu vinyl einu sinni hjá held ég Mása bróðir er samt ekki alveg klár með þessu lagi og tók þetta upp á segulband á mjög sérstæðan máta en s.s. já svo núna í einsemd minni hér datt mér þessi laglína í hug þetta er s.s. viðlagið minnir mig. Vildi gjarnan vita hvar ég gæti fundið þetta lag EINHVER.

Ein og yfirgefin passar nokkuð vel við núna, Brynja er farin að sofa, Katla er sofnuð og Eyþór er að taka úr nýju þvottavélinni og er svo að fara að sofa en ég nenni ekki á laugardagskvöldi að fara að sofa alveg strax enda ekkert gríðarlega þreytt. Erum búin að fá nýja ísskápinn okkar, nýju þvottavélina okkar og nýju viftuna svo þegar Eyór er búinn að græja það allt þá sprungum gömlu ljósin í eldhúsinu næstum í loft upp (ýki aðeins) þannig að ég fór áðan í húsasmiðjuna og keypti ný rosa flott ljós, ætlaði varla að tíma að hafa þau í eldhúsinu, enda  hafa þau ábyggilega fundið hvað þau voru út í hött innan um allt þetta nýja dót og ákveðið að enda sína ævidaga

Ótrúlega leiðinlegt sjónvarp á laugardagskvöldi einmitt þegar kannski flestir nenna og vilja horfa á sjónvarpið, hvernig stendur eiginlega á þessum skandal, tja spyr sá sem ekki veit jamm það er ég...

Eyþór er farinn að hafa varann á sér með vekjaraklukkuna því hann var alltaf með hana við hliðina á sér og átti það til að slökkva á henni og sofna aftur núna læsir hann kvikindið inni í skáp svo hann nenni nú á fætur en hvað gerir gaurinn jú hann stendur upp, opnar skápinn, slekkur á klukkunni og skríður aftur upp í rúm og sefur áfram. Var einmitt í þessum skrifuðu orðum að loka skápnum eftir að hafa stillt klukkuna, bara snilld, sagði reyndar ástæðuna vera þá að hún hefði svo hátt......yeah right. Verð að hætta þessu er að bögga þetta grey í hverju bloggi hann er bara svo fyndinn þessi elska að það er ekki nokkru lagi líkt.......hann fyrirgefur mér eða hvað......

One tree hill maraþon í dag 7 síðustu þættirnir sýndir ekkert smá frábært, reyndi eins og ég gat að góna á milli þess sem ég sveiflaði tuskunni og hélt á Kötlu hlakka til þegar næsta sería byrjar sem er núna bara næstu daga minnir mig, þvílíkur lúxus að vera í fæðingarorlofi þá seisei já. vantar bara rúllur þá er ég eins og bandarísk húsmóðir sokkin í sápuna.......

Tja hvað skal bulla meira....er að hugsa dettur stundum ekkert í hug til að skrifa en langar og þá þarf maður stundum að hugsa bara......nei því miður dettur bara ekkert í hug.....verð þá bara að hætta......kem inn síðar með sjóðheitar fréttir af okkur hér.......

Sjúlli kveður aleinn og yfirgefinn 

 

 

Hvað er í gangi

Ekki vildi ég vera framsóknarmaður núna úthýst algerlega, segja svo að allir séu bara vondir við þá haha þetta er með ólíkindum. Lýst nú ekki á Ingibjörgu og Geir hefði nú viljað eitthvað annað..en ekki ræð ég því miður því þá væri nú allt vænt sem vel er grænt.....

Kviknaði í eða var kveikt í hér á Akureyri í dag, dekkjum rétt hjá krossanesverksmiðjunni. Hver ætli hafi verið svona stórkostlega heimskur einhver greinilega ekki alveg heill á geðsmunum en sem betur fer þá lagði reykinn ekki yfir bæinn heldur Hörgárbyggð, ef reykurinn hefði staðið yfir bæinn var sagt að hefði þurft að rýma bæinn, hefði samt viljað sjá þá framkvæmd, haha bæjarbúar reknir eins og rollur upp í Vaðlaheiði og látin bíða þar Nei þetta er nottlega bara ekkert grín meira svona háalvarlegt.

Katla er búin að eiga ömurlegan dag í dag en vonandi að það sé búið allavega steinsefur hún núna vafin inn í sængina sína og sefur ósköp fallega litla skinnið, vildi geta tekið þessa magaverki fyrir hana en svo gott er það nú ekki.

Arna frænka frá Húsavík kom í heimsókn í dag með stelpuna sína hana Kareni og vinkonu hennar. Hef held ég ekki hitt hana síðan ég flutti frá Húsavík er nefnilega ekki sú duglegasta að fara til Húsavíkur. Alltaf gaman að sjá hana samt sem áður. Ætlum að reyna að hittast reglulega hér eftir. Hún færði Kötlu tvennar buxur, bol og sokkar bara æði

Mamma og Hildur komu líka seinnipartinn með tvær sólir með sér, urðu að smakka kaffið úr vélinni okkar flottu, fannst það gott held ég. Eyþór er búinn að vera svona svolítið eins og raketta í dag, nottlega mjög ánægður með vélina og drekkur kaffi grimmt og liggur við að hann hafi verið að sveifla sér í

ljósakrónunum hér, he Tarzan me Janegrrrrr haha

Fór í Bónus aðaltilgangurinn var að kaupa bleyjur en næsti tilgangur var að kaupa rjóma og súkkulaði svo ég gæti búið til Swiss Mokka mundi bleyjur en gleymdi hinu, skondið....

Við systur ætlum að fara í göngu í fyrramálið ég með Rollsinn hún með hjólbörurnar haha ég á svo flottan vagn hún reyndar líka en ..........keypti mér nokkuð mjög svo nauðsynlegt á vagninn um daginn hef sjaldan eða jafnvel aldrei fjárfest svona vel, ég keypti glasahaldara á djelluvagninn þannig að núna get ég brunað með vaginn og verið með Swiss Mokka úr te og kaffi og verið samt mjög flott að líta á ekki hálfbogin með glasið í hendinni að reyna að sleppa við að hella yfir Rollsinn.

Eyþór er að horfa á þáttinn sinn Desperate housewifes, vildi nú ekki viðurkenna þegar við vorum í Trivial og hann vissi ÖLL svör sem tengdust þessum þætti að hann horfði á þetta en *hóst* hann er að horfa og er stjarfur tökum eftir því og flissar yfir honum. haha fæ líklega skammir þegar hann sér að ég er búin að setja þetta leyndarmál hans á netið en svona er lífið. Æi hann er æði

Á ég ekki bara að hætta að röfla hér, finnst það samt svo gaman, finnst ég eitthvað svo stórfengleg þegar ég hendist með puttana yfir lyklaborðið og finnst ég hafa svo margt að segja sem ég svo reyndar fatta eftir á að er bara rugl. 

Ég er hætt

Sjúlli kveður æðisleg að vanda