Múmía

Já það er ég:) Vafin upp að nára og líður hreinlega bærilega bara takk fyrir. Fór í æðahnútaaðgerðina í gærmorgun og svaf eins og engill eftir hana til 10.30 þá fannst mér kominn tími til að vakna en ekki liðinu sem sinnti mér því ég fékk viðbót af svæfingu og svaf til kl 11.30 en þá fór ég og klæddi mig og fékk ristað brauð og hrikalega gott kaffi. Spjallaði svo aðeins við Harald og Hildur kom svo og sótti mig rétt fyrir kl 14. Litlir verkir þannig séð í gær enda á verkjalyfjum en verri í dag, tekur kannski meira í en samt ótrúlega litlir verkir, ánægð með það. Starfsfólkið þarna er svo frábært allt saman, bara hver manneskjan yndislegri, persónulegt svolítið:)

Ligg núna og góni á Grey´s með tærnar upp í loft og bara tek því rólega. Sé að það hefur blætt töluvert í umbúðirnar og mikið mar að myndast en allt fyrir fegurðina:) Hildur sys ætlar svo að taka sauma og plástra eftir rúma viku þannig að eins gott að maður hefur heilbrigðismenntað fólk í ættinni tja hvað getur maður sagt, sparar manni pening:)

Sá að ég hef fengið inn hækkunina mína fyrir námið og líka fyrir kjarasamningana þannig að ég hækkaði allt í allt um 47 þúsund krónur og það munar um minna í svona árferði eins og er þessar vikurnar.

Nenni ekki að blaðra neitt núna ætla að halda áfram að horfa á Grey´s vantar samt seríu 3 og 4 ef einhver er lánsfær með þær eru þær vel þegnar

O-sjúlli kveður tindilfættur fljótlega 


« Síðasta færsla | Næsta færsla »

Athugasemdir

1 Smámynd: Lára Bryndís Eggertsdóttir

Ehh heldurðu að sé hægt að fá þetta hjúkrunarfólk lánað til að svæfa heimiliskrúttið áfram svona af og til??

Lára Bryndís Eggertsdóttir, 1.2.2009 kl. 15:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband